【大仁】齊齊宇宙Dance：妖怪手錶4人眾‧ 你都嚟跳到彈起啦!!
小朋友心情和女士們一樣「無定向~飄忽不定」, 記得上年我叫SY:「一齊同地縛喵影合照啦」, 小朋友答:「我要打卡機, 爸爸你自己一個人去排隊影啦」(當時非常無癮)
今日我告訴SY:「我哋同地縛喵、哥瑪兄弟、USA蹦一齊跳舞呀! 你去唔去?」, 小朋友竟然興奮答:「真係跳舞? 佢哋識跳舞嘅咩? 去呀!去呀!」
其實, 對於<妖怪手錶>, 我們一定不是粉絲, 因為我今天才學識USA蹦, 威斯柏, 昆布哥哥三兄妹…
明明現場有工作人員教完我, 晚上寫稿時完全忘記晒, 多得魚子媽教路~(點解你會記得晒, 畀我黐線都記唔到)
SY一見部雪糕車非常雀躍, SY:「我要賣雪糕…埋嚟睇…埋嚟揀…雪糕!雪糕!妖怪雪糕」(原來我想走入去賣雪糕嘅, 比你霸咗)
事實上, 你問我哥瑪先生是白色, 還是黃色…我應該未分得清, 我只知SY一見到哥瑪兄弟, 好似每星期日晚睇Sunday好戲王一樣興奮…
我:「老友…其實你第一次見佢哋咋喎, 做乜笑到見牙唔見眼呀?」毛毛公仔怪SY:「佢哋好舒服吖麻…(不停摸…不停摸)」, 如果嚇怕了扮哥瑪兄弟的演員, 在此要衷心致歉.
