麥當勞簡直就係我嘅兒時飯堂,但今時今日去食麥記幾乎變成係一種獎勵,雖然的確唔係好健康,但係麥當勞俾我嘅回憶唔單止係漢堡飽,仲有以前嘅經典玩具
我由太古城中心一期入去商場,喺門口已經見到好多玩具樂園嘅籏仔
原來一入到嚟即戲院隔離已經有間開心樂園餐屋仔,裡面全部放咗麥當勞Hello Kitty系列嘅公仔玩具
唔知大家儲咗幾多隻呢?連我自己都換過幾隻,相信每個香港人都曾經換過
落咗兩層之後見到全新麥當勞太古店開張!大家仲記得好耐以前嘅麥當勞係咩裝修嗎?
玩具樂園經已開幕!快D落去集體回憶吓先
位於一期廣場有對超大嘅麥當勞叔叔鞋!同埋隔離有部大投影機
原來佢個名堂係「麥當勞人物變身器」只要你企喺投影機前,投射到熒幕的身影會變成其中一位麥當勞人物,跟住你所有動作。
睇嚟如果我玩應該一定射出嚟係「滑嘟嘟」