| 日期 | 全年適用 |
今次想介紹一下港島區的野餐聖地 – 中山紀念公園！我好鍾意帶小朋友去野餐，因為我好鍾意靚靚的野餐盒，哈哈，講笑講笑，因為我好鍾意比小朋友接觸一下大自然，而且我其實好贊成小朋友應該『平有平養』，我都希望可以發掘多啲唔洗用太多錢，但小朋友又鍾意的活動！
中山紀念公園係西營盤東邊街北，佔地約4.1公頃，公園的主要設施包括1個七人足球場（人造草）和2個籃球場，仲有一個大草地，同埋公園，旁邊就是中山紀念公園體育館，小朋友要去洗手間都好方便（其實我去郊外，最怕要帶小朋友去洗手間），所以呢度真是好岩小朋友玩架，地點又方便，無論自己揸車，定坐地鐵都可以！
聖誕節約了小丸子的同學來個 picnic party，每個家長負責預備少少食物，我地整菠蘿腸仔，又易整，小朋友又鍾意食，不過今次發現原來好多大人都鍾意食，因為大個咗都好少會食，特別珍貴。
另外有家長帶了壽司、cupcakes、生果，真是好豐富呢！
大頭妹好鍾意食菠蘿腸仔啦！
小丸子見到靚靚 cupcakes，即刻又食啦！
小丸子永遠都唔會執輸，邊度有野食，邊度就會見到佢！
食飽飽呢！中山紀念公園草地的另一邊仲有一個公園，小朋友又可以玩餐飽啦！
公園的範圍唔算大，不過夠小朋友玩啦！
一齊坐火車！
哈哈！找亮點！
（答案：腳離地，佢實在太多精力！）
回帶返返去早上，教埋大家整菠蘿腸仔！我見好多媽媽話唔識整，其實好簡單，我知有人會買罐頭腸仔，完全唔洗煮，不過其實都可以買我地平時食的打邊爐芝士腸，有款是蜜糖雞尾腸，好似打邊爐咁煮完，拎返出嚟放涼，用顏色牙籤將菠蘿同腸仔拮埋就ok啦！
菠蘿可以一開 6/8都ok，小朋友食就8啦，容易啲食。
另外仲整咗個新雜果沙津，有蘋果、芒果、奇異果、士多啤梨、火龍果！
溫馨題示：其實香港唔係太多公園適合野餐，而且每個公園，就算都是康文署，其實都有唔同規則，就好似比唔比用帳篷，所以去野餐，除咗帳篷，最好都帶定野餐蓆。
交通：西營盤港鐵站A2出口
中山紀念公園：http://www.lcsd.gov.hk/tc/parks/sysmp/index.html
作者：傻夫婦一家四口生活日誌
相關文章：【傻夫婦】旅行@錦田鄉村俱樂部
【小小豬】參觀稻香飲食文化博物館
即Like Oh!爸媽Facebook，登記成為Oh!爸媽會員，緊貼第一手親子資訊。