【傻夫婦】東京親子之旅 Day 1【羽田機場/ 箱根交通介紹】

 2017年7月14日 (星期五)

又到一年一度的暑假旅行，今年的目的地是東京，今次去 6日 5夜，會去 2日箱根，住【箱根小涌園酒店】，第 1日會去【箱根小涌園溫泉樂園】玩水，第 2日就四周遊覽，會去元箱根港坐海賊船去桃園台，再坐吊車去大涌谷和早雲山，再坐覽車去強羅，最後本來是會坐小田急浪漫號列車返新宿，可惜我哋遲到錯過了早 1個月前上網訂位的『風景列車』﹗另外 4日都是住東京新宿【小田急世紀南悅酒店】，會去明治神宮掛繪馬﹑原宿食西瓜雪糕﹑東京鐡塔﹑淺草著和服﹑晴空塔﹑東京迪士尼海洋﹑KIDZANIA 做童工﹗呵呵呵﹗行程都好豐富，我一向 PLAN 行程都幾進取，所以日日都差不多 10AM- 12AM，真是辛苦過返工﹗阿旺問下次可唔可以去多幾日，但行程唔好咁密？﹗哈哈哈﹗盡量啦﹗

今次都是坐 HK EXPRESS，我無吸取上次的教訓，又是一早上年 11月買了機票，後來又是有一段時間愈賣愈平，所以買機票真是不用心急，不過其實我依家 2大 2小，連揀位﹑去程 20KG行李，回程 40KG行李，連稅都是 $10000以內，又不算貴，當坐前啲囉﹗仲零晨機去零晨機返，玩足 6日，不過其實我是想去 7日，數零晨日子數錯了，變成 6日﹗

今次又是 DELAY 了 1小時，上年去福岡又是 DELAY 1小時，不過坐廉航 DELAY 1小時，都可以接受啦﹗

其實大頭妹出機場當日的早上，仍然要返學，放學返到屋企，食完飯就出發去機場，好似早咗少少，去到 CHECK IN 都無咩人﹗我地已經做咗 ONLINE CHECK IN，所以只是寄行李，好快就搞掂﹗

 小丸子最近好似又肥咗少少…

 去到東京是 5:00幾，東京好似早啲日出咁﹗

 第一時間將件大行李寄去第 2日 CHECK IN東京的酒店，都只是大約 1800YEN，唔洗 $130，都幾化算，好過帶住件行李去箱根，搬來搬去，不過就記得事前同酒店講聲，再帶住酒店的地址電話，方便寄件﹗

 體力充沛的小丸子，坐完零晨機還可以跑樓梯﹗

 羽田機場的 FOOD COURT，有幾間 24小時營業的餐廳，坐零晨機都可以食個早餐先出市區，我哋會直接去箱根，所以當然要食個早餐啦﹗有 MOS BURGER﹑吉野家，同一間和食屋，有烏東﹑飯糰之類﹗

 阿旺吃 MOS BURGER﹗

 會比香港好味嗎？﹗

 我哋 3個吃吉野家﹗

食完早餐，就開始出發去箱根啦﹗我地由羽田機場國際線坐『京急空港線快特』去到【品川】，再轉東海道本線 (伊東行) 去【小田原】，轉巴士去箱根﹗