| 地址 | 新田信芯園 |
| 日期 | 全年適用 |
編按：新冠疫情關係，政府先取消15個年宵市場，及後改變主意決定重開，令一眾花農大失預算。元朗信芯園主要出貨的「新界花農批售市場」未有重開，所以不少市民選擇入場支持購買。信芯園信哥表示，「我們會繼續努力，賣得一支得一支!」
未入去喺門口已經聞到超香嘅百合花味。
昨日去咗信芯園買花睇住啲靚靚花海好治癒，而家仲有兩條花花隧道俾人打卡影相添！
呢段時間信芯園盛產百合花，有紅橙黃三隻色，價錢$70-$100/兩枝。老實講價錢唔平，但以本地花農加上即日收割即日買嚟講，花嘅質素絕對完勝大陸花。而且每支百合都有7-8頭，仲要係大大朵！
我哋昨日去入場費$50，每條手帶送一支樽裝飲品，三歲或以下免收費。$50可用作扣減買花金額，即係我買$70花，減$50後只需俾$20。
^由於百合田比較容易耗損，現時未能開放入田中參觀。
地點：新田信芯園
交通：76K巴士及小巴17/75/76於石湖圍落車，不設私家車及單車泊位
備注：最近嘅停車場喺新田郵政局附近，但昨日實測有啲停車場係停開架，如果你唔趕時間可以泊去新田購物城再行過去，消費滿$100有3小時泊車優惠，但就要行20分鐘左右。
作者：小肥子星球
其他閱讀：