| 地址 | 大埔 |
今日去烏蛟騰來回三椏灣 ，真係好仙景同好好玩 ！
我哋由烏蛟騰村停車場出發，沿路會經過好特別嘅紅色沙岩，途中又有大石陣同溪流，小肥仲餵咗一陣魚蝦蟹。
大概行1.5小時就會到達最靚景嘅紅樹林同海岸公園海灣！
仲有特色木橋同小徑，兩邊長滿人咁高嘅草！
我哋喺福利士多食個下午茶，呢度又係絕世好風景嘅茶餐廳，對住個無敵大草原食餐蛋麵真係要試吓。
之後食飽飽休息夠就回程Lu~
地點：烏蛟騰 < 來回 >三椏灣
交通：港鐵大埔墟站20R小巴/周日及公眾假期275R巴士往烏蛟騰路
時間：5歲仔&1歲B—玩+餵魚+士多+影相+休息+慢行共需5小時（正常成人齋行2小時來回）
PS: 帶住小朋友行山5個鐘唔係輕鬆的，去呢到要量力而為
#戶外好去處 #親子遊
作者：小肥子星球
其他閱讀：