赤柱一日遊行程推介｜遊樂場+古蹟+巿集+沙灘｜龍鳳孖媽

充滿歐陸色彩嘅赤柱相信冇人未去過，呢度唔單止係遊客勝地，亦好適合帶小朋友黎玩，有放電遊樂場、有歷史古蹟、有售賣著新奇玩意的巿集，仲有沙灘，玩足一日都唔怕悶！

1. 吸睛帆船遊樂場

^成艘船俾小朋友玩，有得揸船、溜滑梯、爬繩網等等。

不過地點較曬，喺船底行行走走又係一個唔錯嘅活動。

2. 歷史古蹟

赤柱的天后廟係香港南區歷史最悠久嘅一所天后廟。

赤柱「同昌大押」石柱群，來自油麻地上海街，喺重建項目中拆下，之後送到赤柱美利樓旁重置，兩者都好有歷史價值。

^美利樓揉合中式同西式嘅建築設計，採用了西式嘅圓柱配上中式嘅瓦頂，富有維多利亞時期色彩。

卜公碼頭名稱來自香港第十二任香港總督卜力，有提供船隻前往蒲台島。

^建於乾隆年間的水僊古廟，建於海灣嘅礁石上，亦要上樓梯前往，有啲似一座古城堡。小朋友又會幻想為公主嘅堡壘。

3. 赤柱市集

售賣一些具本土文化或一些新奇嘅物品，可帶小朋友開開眼界。

4. 沙灘

如果想游水，可以去赤柱正灘。如果不游水，只堆沙，後灘其實都係一個唔錯嘅選擇。地方細細冇乜人，又有大樹遮蔭。

赤柱有好多海邊餐廰，雖然天氣炎熱，但近海邊，吹吹海風，非常暢快~

飲番杯cocktail，當自己係泰國渡假又不錯~

附近的赤柱廣場有超市，買嘢食去沙灘醫肚亦得，仲可以順便係燈籠下打卡~ 同阿囡講係長髮公主嘅天燈，小朋友特別開心。

赤柱海濱長廊除咗海風和海景，仲見到好靚嘅大紅花，有紅色、粉紅色同黃色，色彩鮮艷，亦很好逛。

今次第一次帶小朋友行礁石，所以唔好行咁出，亦要注意安全。小朋友覺得好有趣，係一個新嘅體驗。

赤柱市場道有條小巷有幅充滿童真嘅畫可以影吓相（不過小心馬路上嘅車）。

其實赤柱仲有個圖書館，可以入去過冷河和睇圖書。不過已經玩咗大半日，所以決定搭車返屋企，下次再玩~

~後記~
雖然當日氣溫幾高，但因有海風，又有商場過冷河，唔算太熱，所以帶住小朋友玩足一日也冇問題。

多謝您的讚好，不論文章或是專頁，作為一點動力，非常感謝您。
歡迎讚好專頁得到更多免費資訊 更快緊貼我們的最近動態
~Facebook page: https://www.facebook.com/Miss.swanswan
~Instagram: (更多孖寶和孖媽的生活趣事) https://www.instagram.com/little_twin_stars82

不要錯過平衡板限時團購優惠~

click入嚟睇吓啦~~好用心整嘅片~~https://fb.watch/5ueC1RGYJV/

其他創作文章(包括40+個好去處): https://www.facebook.com/Miss.swanswan/posts/341412797292614

作者：龍鳳孖媽

其他文章：

親子Staycation︳香港金域假日酒店2日1夜包食宿 人均低至160元︳龍鳳孖媽

親子好去處︳平行時空 的街道+遊樂場+隱世沙灘︳龍鳳孖媽