| 日期 | 全年適用 |
父親節活動竟然去咗愛麗絲花園探險~ 花園裡有遊樂場，有三條相連不同長度嘅滑梯（可以三個一齊玩）、攀爬設施和搖搖椅等。
最有特式嘅莫過於紅白色的建築，中央部份更似一座紅白色嘅城堡，彷彿走進愛麗絲嘅世界。
「扭計骰」洗手間又係另一特式，不管打卡或是遊玩，都係一個不錯嘅選擇~
愛麗絲花園（堅巷花園）地址：太平山堅巷（香港醫學博物館旁）
交通：
當日我哋由上環港鐵站行上去，行咗好多級樓梯，喺烈日當空下真係好辛苦吓。（好似市區中行山）
不過途徑文武廟，又可以參觀吓~
回程我哋行返落中環，有自動電梯冇咁辛苦。另外，可以乘坐交通工具喺樓梯街（堅道）或 西摩道（堅道）落。（不要搞亂堅道花園和堅巷花園），如果帶住小bb，可以考慮喺上環或中環搭的士。
之後我哋去咗附近嘅餐廰食飯，食完飯，去鄰近嘅愛麗絲大宅探險！免費入場，有冷氣的古典大宅！
好~我哋準備好GoGoGO~
每層都有唔同嘅展覽，大宅以英皇愛德華時期嘅古典風建築 ，走進愛麗絲的探險世界 。其中一層有古典舞會大廰 ，樓底高，而且又有茶几和椅子，Tea party ，你準備好未呀？
走出弘形陽台，楷磚瓦片又有不同嘅心形和花形圖案，充滿童話感 。看到了紙牌樸人和紅心皇后嗎？
最可愛係進入陽台嘅小門，門柄好矮，小朋友可以自己開門，
走進童話的世界 。
最高層仲有活動室同互動學習室， 小朋友喺活動室攞咗張兩張填色紙即時填色 。
填色紙中英對照，仲簡介展館嘅資料，令小朋友更易明白內容，唔只打卡玩樂，仲可以學習。另外，部lift 仲係透明，小朋友未搭過，覺得好有趣啊..哈哈~
孫中山紀念館（愛麗絲大宅）地點：香港中環半山衞城道7號
網址：www.lcsd.gov.hk/…/web/sysm/visit_to_museum.html
交通：可使用中環港鐵站D1或D2出口往中環至半山扶手電梯至堅道，再沿行人路向西步行約5分鐘到紀念館。
其實孫中山紀念館好近堅巷花園，可以兩個都去晒！小朋友真係精力旺盛，最後去埋光漢台花園玩遊樂場，其實都好近。
之後行返落中環搭車回家，結束兒童節活動，繼續為大家發掘和介紹更多親子好去處！
作者：龍鳳孖媽
其他文章：
親子Staycation︳香港金域假日酒店2日1夜包食宿 人均低至160元︳龍鳳孖媽