The Big Things Party室內遊樂場160元一大一小 Melody主題+萬聖節活動 │室內親子好去處│龍鳳孖媽


嚟緊幾日都會落雨,要考慮轉戰室內場放電。芬蘭教育提倡多玩樂,多接觸大自然,讓小朋友有一個既健康又快樂的童年。由芬蘭遊樂場設計師設計嘅遊樂場,連玩具都係由芬蘭製造,最近仲增設咗萬聖節主題活動,同小朋友大玩扮女巫男巫、 Trick or Treat等。入場費都是160元一大一小一小時,即睇有咩玩!

Trick or Treat

最近仲增設咗萬聖節主題活動,今次個攞糖方法比較特別~小朋友坐喺指定嘅位置,把南瓜籃於喺頭頂,然後拉一拉繩,糖果就會從上面掉下來,睇吓可以接到幾多糖果。

女巫男巫初體驗

有個Halloween Melody 佈景板同各項女巫道具俾小朋友扮鬼扮馬!

火山沼澤區

設計主要以大自然為中心,牆上有唔同小動物嘅壁畫,而且仲有個火山沼澤區。小朋友最鐘意依區,係咁向上爬,再溜火山滑梯,好睇又好玩。火山下更添咗南瓜公仔,多咗份萬聖節氣氛。

大樹大本營

由不同嘅攀爬架、障礙物和滑梯組合而成,小朋友喺裡面爬來爬去,跨過唔同障礙物, 好似要穿越森林咁, 可以訓練大肌肉同絶對可以放電。

賽車競技場

小朋友每人帶住一架車仔,行上路軌最高點,然後把車仔放落起點,睇吓邊個架車最快到終點呢!

繪畫區

變出自設小動物,小朋友可以喺電腦畫板上揀選小動物,填上喜歡嘅顏色,然後把小動物變出來,顯示喺大螢幕上。

 

繪畫Melody

對小朋友嚟講,就咁徒手畫Melody可能會有難度,但在場提供Melody樣版俾小朋友印住嚟畫,就簡單得多。

拍攝定格動畫

小朋友把角色置於小舞台,然後調整攝影機和開拍,建立屬於自己嘅定格動畫。

The Big Things Playground

地址:荃灣白田壩街45號南豐紗廠2樓204號舖

星期一至四:每小時160元包一大一小 (我哋11/10星期一去的,唔多人,全場得4組家庭)

詳細價錢及開放時間可瀏覽以下網址: (建議去前查詢或預訂門票)

https://www.thebigthings.com/en-us/playground

溫馨提示1: 場內冷氣較大,建議帶備外套。 溫馨提示2: 有shuttle bus 去南豐紗廠,上車位置喺荃灣港鐵站A4出口,政府合署對面。要過咗綠色小巴站,再行前D先見到!Shuttle bus係架紅色小巴,個小巴站唔易搵架,所以見到有紅色小巴停泊,最好走上前問問。

 The Big Things Party

The Big Things Party 係一間日式主題餐廳🇯🇵,自家天台耕種,提供新鮮有營嘅美味食物。每款菜式均含有優質蛋白質、複合式碳水化合物和健康脂肪,並搭配唔同顏色嘅蔬果,達至色香味俱存!

 味噌三文魚六野菜便當 $118

以日式懷石料理烹調方法帶出鮮味,傳統日本便當木盒盛載六款野菜,包括抗氧化紫椰菜、汁煮日本甜南瓜、茄紅素爆標紅蘿蔔、自家種植車厘茄、抗炎抗癌西蘭花和日式醬油香菇。 至於三文魚則採用信州味噌烹調,最後灑上新鮮三文魚籽,營養價值和CP值都好高! 有魚、有菜、有飯、達至均衡飲食!

南蠻炸雞 $68  

有冇人同我一樣好鐘意食炸雞架?採用泰國無激素雞肉,即叫即炸,非常香脆!再配自調三文魚籽南蠻醬汁,充滿日本風味!

超人氣厚切吉列玉子三文治 $58  

以優質日本雞蛋製成兩吋厚厚嘅玉子,比一般玉子燒多三倍份量製成,再以吉列方式炸脆整份玉子,好厚好厚,真係啖啖玉子,大滿足!麵包仲塗滿牛油,再以鐵板乾烤及加上日式豬排醬和奇妙醬,真係非常之好味呀!

 

 

 Big Party Shakes 派對特飲 $88

冬甩雪糕奶昔有三款口味,包括朱古力、士多啤梨和Oreo。每款雪糕奶昔上都有一個色彩繽紛糖衣嘅冬甩,有得飲又有得食,用嚟打卡更係一流!

The Big Things Party

地址:荃灣白田壩街45號南豐紗廠2樓204號舖

電話:28109983

營業時間: 星期一至四 10:00 – 19:00 星期五至日 11:00 – 20:30

Instagram :instagram.com/thebigthingsparty

Facebook: facebook.com/Miss.swanswan
Instagram: instagram.com/little_twin_stars82

作者:龍鳳孖媽

其他文章:

親子好去處│包羅萬有手作市集~細菌小子飛船電動車+駐站魔術師 ︳龍鳳孖媽

親子好去處│張家朗壁畫+「大叔的愛」取景地│龍鳳孖媽


熱門文章

送LEGO®DUPLO™全球野生動物套裝 兼賀Oh!爸媽7歲生日快樂
親子餐廳 2022|全港32間親子餐廳合集 攀爬架/室內沙灘/靚靚打卡位
親子好去處|九展歡樂天地體驗冰天雪地 夢幻雪屋+純白木馬+5D影院
全港遊樂場|41大兒童遊樂場推介 攀爬設施+可愛造型|親子好去處 (不斷更新)
親子好去處|屯門公園爬蟲館 免費入場 室內及露天展覽 展出33種活展品

親子好去處│免費欣賞逾400件學生創作的藝術品 @ 耀中耀華90周年藝術展
鄰舍輔導會│「Uni-Lab 」奇幻藝術體驗展 感受殘疾藝術家的內心世界
親子好去處|屯門公園爬蟲館 免費入場 室內及露天展覽 展出33種活展品
寵物Staycation | 精選10間香港寵物友善酒店 最平由$998/晚起
室內好去處|沙田新城市廣場6萬呎Play Park Kiztopia/密室逃脫/手工/科學探索
親子餐廳 |天竺鼠車車登陸大樹先生的家 賽車/打卡/必食兒童餐 期間限定
查看更多   ▸