嚟緊幾日都會落雨，要考慮轉戰室內場放電。芬蘭教育提倡多玩樂，多接觸大自然，讓小朋友有一個既健康又快樂的童年。由芬蘭遊樂場設計師設計嘅遊樂場，連玩具都係由芬蘭製造，最近仲增設咗萬聖節主題活動，同小朋友大玩扮女巫男巫、 Trick or Treat等。入場費都是160元一大一小一小時，即睇有咩玩!
最近仲增設咗萬聖節主題活動，今次個攞糖方法比較特別~小朋友坐喺指定嘅位置，把南瓜籃於喺頭頂，然後拉一拉繩，糖果就會從上面掉下來，睇吓可以接到幾多糖果。
有個Halloween Melody 佈景板同各項女巫道具俾小朋友扮鬼扮馬!
設計主要以大自然為中心，牆上有唔同小動物嘅壁畫，而且仲有個火山沼澤區。小朋友最鐘意依區，係咁向上爬，再溜火山滑梯，好睇又好玩。火山下更添咗南瓜公仔，多咗份萬聖節氣氛。
由不同嘅攀爬架、障礙物和滑梯組合而成，小朋友喺裡面爬來爬去，跨過唔同障礙物， 好似要穿越森林咁， 可以訓練大肌肉同絶對可以放電。
小朋友每人帶住一架車仔，行上路軌最高點，然後把車仔放落起點，睇吓邊個架車最快到終點呢!
變出自設小動物，小朋友可以喺電腦畫板上揀選小動物，填上喜歡嘅顏色，然後把小動物變出來，顯示喺大螢幕上。
對小朋友嚟講，就咁徒手畫Melody可能會有難度，但在場提供Melody樣版俾小朋友印住嚟畫，就簡單得多。
小朋友把角色置於小舞台，然後調整攝影機和開拍，建立屬於自己嘅定格動畫。
The Big Things Playground
地址：荃灣白田壩街45號南豐紗廠2樓204號舖
星期一至四:每小時160元包一大一小 (我哋11/10星期一去的,唔多人,全場得4組家庭)
詳細價錢及開放時間可瀏覽以下網址: (建議去前查詢或預訂門票)
https://www.thebigthings.com/en-us/playground
溫馨提示1: 場內冷氣較大，建議帶備外套。 溫馨提示2: 有shuttle bus 去南豐紗廠，上車位置喺荃灣港鐵站A4出口，政府合署對面。要過咗綠色小巴站，再行前D先見到!Shuttle bus係架紅色小巴，個小巴站唔易搵架，所以見到有紅色小巴停泊，最好走上前問問。
The Big Things Party 係一間日式主題餐廳🇯🇵，自家天台耕種，提供新鮮有營嘅美味食物。每款菜式均含有優質蛋白質、複合式碳水化合物和健康脂肪，並搭配唔同顏色嘅蔬果，達至色香味俱存!
以日式懷石料理烹調方法帶出鮮味，傳統日本便當木盒盛載六款野菜，包括抗氧化紫椰菜、汁煮日本甜南瓜、茄紅素爆標紅蘿蔔、自家種植車厘茄、抗炎抗癌西蘭花和日式醬油香菇。 至於三文魚則採用信州味噌烹調，最後灑上新鮮三文魚籽，營養價值和CP值都好高！ 有魚、有菜、有飯、達至均衡飲食!
有冇人同我一樣好鐘意食炸雞架?採用泰國無激素雞肉，即叫即炸，非常香脆!再配自調三文魚籽南蠻醬汁，充滿日本風味!
以優質日本雞蛋製成兩吋厚厚嘅玉子，比一般玉子燒多三倍份量製成，再以吉列方式炸脆整份玉子，好厚好厚，真係啖啖玉子，大滿足!麵包仲塗滿牛油，再以鐵板乾烤及加上日式豬排醬和奇妙醬，真係非常之好味呀!
冬甩雪糕奶昔有三款口味，包括朱古力、士多啤梨和Oreo。每款雪糕奶昔上都有一個色彩繽紛糖衣嘅冬甩，有得飲又有得食，用嚟打卡更係一流!
The Big Things Party
地址：荃灣白田壩街45號南豐紗廠2樓204號舖
電話：28109983
營業時間： 星期一至四 10:00 – 19:00 星期五至日 11:00 – 20:30
Instagram ：instagram.com/thebigthingsparty
Facebook: facebook.com/Miss.swanswan
Instagram: instagram.com/little_twin_stars82
作者：龍鳳孖媽
其他文章：
