鰂魚涌親子餐廳Q Time Café 小滑梯/閱讀區/遊戲區/育嬰房


最近知道港島東區有一間kids friendly嘅餐廳入面有一個小小play area 俾細B 玩,啱晒有細B嘅我哋!所以趁Alfred上興趣班之前,帶埋佢同弟弟嚟呢度食個早餐兼玩一陣!

親子餐廳Q Time Café 

親子餐廳

呢間kids friendly親子餐廳叫Q Time Café,佢係喺鰂魚涌地鐵站A出口附近嘅商業大廈入面(由鰂魚涌地鐵站A出口步行約6分鐘)。

親子餐廳面積唔算好大,環境光猛企理,但就勝在有個小小嘅play area 專為3歲以下嬰幼兒同父母而設。所以場內有好多嬰兒用品免費提供使用,包括:每張枱都有ProWays殺菌消毒噴霧、babyganics搓手泡泡、順順兒濕紙巾同Californiabear暖奶器,以及部分枱會有 Rayqueenbabysterilizer嘅 UV消毒機添!如果係獨立房用餐嘅話,仲有BB牀提供添。

親子餐廳收費以入座人數計算並以每人一個套餐為最低消費。如果有客人等候入座,用餐時間為 90分鐘。今次我哋2大2小,所以總共叫咗4個餐,我同爸爸各自叫咗一份早餐,Alfred 就叫咗一份「兒童餐Kids DIY Pizza」,另外,弟弟已經唔食果蓉,所以我哋需要叫一份$88嘅小食去抵消番「BB餐ready foods」 $88 嘅費用。至於食物味道,個人覺得還算不錯。

 

至於Alfred 嘅「兒童餐Kids DIY Pizza」$103,可以從十款餡料中(包括:水牛芝士碎、車打芝士碎、粟米粒、火腿、煙肉、香腸、番茄醬、菠蘿、蘑菇同車厘茄)可揀其中四款去做。另外,只要小朋友叫兒童餐嘅話,就可以免費玩埋Q Time 兒童DIY 無蛋蛋糕裝飾,共有六款裝飾可揀其中三種。最後,仲可以玩扭蛋一次添。

至於呢度嘅遊戲區,個人覺得真係比較細,所以最多只可供五位小朋友玩,而且適合3歲以下嬰幼兒玩(如果有小朋友輪候,餐廳會作出分齡同輪流15分鐘玩嘅安排)。不過場內就有一個小滑梯、小小兒童閱讀區,以及一啲小玩具。對於細B其實絕對夠玩,不過地方真係有點細(如連埋大人上去嘅話),加上,遊戲區高咗一級,所以家長要小心看顧兒童,以免發生意外。

最值得一讚嘅係,呢度有一間設備尚算齊全嘅育嬰房,基本嘅arm chair、換片墊、清潔用品都有,估唔到連 UV消毒機同泵奶機都有添!

總結:個人覺得呢度無設最低消費都幾抵玩,環境同食物質素方面都唔錯,不過個人覺得有啲玩樂設置已經有損壞嘅跡象,同埋滑梯組合嘅樓梯級衛生尚欠理想,我見到有小量食物碎同頭髮。希望呢方面會有待改善啦!

溫馨提示:

– 疫情緩和都唔可以鬆懈,記得勤手洗/搓手,勿摸眼、口、鼻。

==========================================

Q Time Café 親子餐廳

訂座熱線: 2383 3322

WhatsApp: 9092 6580

地址: 香港鰂魚涌英皇道1001號12樓01室

營業時間: 星期二至日 9am – 10pm

*逢星期一休息

==========================================

(以上資料更新至撰文當日)

聯絡電郵: alfredbb325@gmail.com

最近開始玩IG,歡迎追縱:allaboutalfred

最近開始玩MeWe,歡迎追縱: https://mewe.com/p/AllAboutAlfred/

追踪更多育兒生活分享,請按 Alfred 成長日記 

親子餐廳


熱門文章

召集親子餅印照片.展示最強DNA | 入選100強即獲精彩禮品
媽媽谷 | 免費加入Ohpama WhatsApp group獲得最新資訊 著數優惠
復活節海外玩2024|17大復活節好去處 日韓賞櫻/大阪環球影城復活節慶典限定/特色室內遊樂場
運動嘉年華 3月限定免費入場 5大運動體驗區 +近距離接觸香港運動員+免費換領紀念品
送《劇場版 角落小夥伴 奇幻的玩具工廠》電影換票證 | 展開奇幻探險之旅

親子餐廳 2023|全港28間親子餐廳合集 攀爬架/室內沙灘/靚靚打卡位/Care Bears主題美食
親子餐廳|90年代靚靚裝修+小巴打卡卡位 任玩人力車/四人單車 嘆懷舊「水波蛋」
親子餐廳|期間限定 KUROMI 主題拉麵店 大量打卡位+嘆卡通特色日本拉麵
深圳好去處 |着漢服打邊爐 打卡一流 深圳大熱古風火鍋店 有漢服租借+化妝服務
港九新界7間戶外 露天餐廳 享受舊警署食堂+玩盡沙池鞦韆+嘆日光海景
親子餐廳 |超多桌上玩具/圖書/手動遊戲機 平日午餐$62起包餐湯+飲品|初初媽媽
查看更多   ▸