| 日期 | 全年適用 |
每到週末或假期，總是煩惱帶小朋友到哪裏玩？小朋友精力無窮，爸媽帶佢哋去公園既可放電，又可以暫時放低壓力，而自己同時又可以有休息嘅空間。以下為大家介紹嘅好玩兒童遊樂場，港、九、新界各區都有，一於去玩餐飽！
屯門公園共融遊樂場又有水玩、又有沙玩，亦係全香港最新穎嘅設計。共融遊樂場仲分為「南」、「北」兩個部分，合共七個遊玩主題區，北面係以水中荷花為主題，而南面就以爬蟲動物為主題，仲有沙池玩「掘蛋」同鞦韆區。顏色又色彩繽紛，大人細路睇見都開心。公園嘅設計除咗好玩之外，亦為傷健小朋友多加一點關愛。去玩嘅時候，記得要互相關愛，因為香港根本無一個合適嘅公園俾傷健小朋友去玩。
地址：屯門公園兒童遊樂場 (近友愛村)
開放日子：逢星期一7am – 1pm暫停開放，(進行場地保養工作)。**如星期一為公眾假期，保養工作將順延至下一個工作天進行
位於屯門兆麟苑附近嘅老鼠灣兒童遊樂場，係全港第一個以環保物料建造而成嘅公園，所有設施均以舊車胎同塑膠廢料建成。遊樂場以中式帆船為主題，小朋友可以大玩角色扮演，做一日船長，「上山下海」都無問題！
地址：屯門青山灣老鼠洲（兆麟苑附近）
交通：乘坐輕鐵至兆麟/三聖站→步行約3分鐘
開放時間：06:30-23:00
歷奇公園內嘅遊樂設施唔多，不過勝在有一幅巨大嘅攀石牆，定期每個月都有一日會開放俾公眾玩（通常為每個月嘅第2個星期日）。而免費開放當日，現場會有專業教練幫小朋友做足安全措施，爸媽可以帶喜歡爬來爬去嘅小朋友到場一試。
地址：新界屯門龍門路屯門康樂體育中心
交通：乘輕鐵至龍門站→步行3分鐘
開放時間：08:00-18:00
葵芳新都會廣場的升級版歷奇公園絕對是香港難得一見的大型戶外放電樂園，源自芬蘭6.5米高的大型遊樂設施、以可愛的巨型蔬果為造型，集結了不同的遊樂設施，而且完全免費開放給公眾喔！就在新都會廣場的L5戶外空間，佔地挺廣闊的，在香港的確是很難得～
地址：葵芳新都會廣場L5歷奇公園
開放時間：10:00am-7:00pm
青衣公園遊樂場開返啦!之前介紹過青衣公園有楓香樹，又有落羽松，即係有紅葉睇呀。雖然依家過咗紅葉嘅季節，但簕杜鵑盛開緊，桃紅色、黃色和白色，真係好靚呀。
交通：
1. 青衣站B出口出（喺青衣城1樓跟指示牌往青衣運動場方向走），經過Pie and Tart和通利琴行，向前行到天橋，過天橋到對面，左邊樓梯，右邊斜路（啱推bb車行）。落地面，向左行就係入口，十分方便~
2. 如果搭巴士/小巴，除咗青衣運動場和青衣公園嘅巴士站外，亦可選擇青衣商場或青衣邨宜業樓落車。
位於荃灣的愉景新城一向以親子商場著稱，集運動智能, 人際智能和自然智能於一身的鯨魚花園, 是全港首個15米長藍鯨遊樂設施! 鯨魚玩樂設施仿照鯨魚真實大小及形態設計, 身長逾15米, 特別邀請著名丹麥兒童遊樂場專業團隊MONSTRUM設計及製作, 小朋友可以盡情於鯨魚大肚子內和身上遊玩, 完成各項挑戰之餘, 更可訓練不同的肢體技巧, 此外, 小朋友可透過玩樂認識新朋友, 學習社交技巧和人際關係!
開放時間：注意鯨魚花園也有特定開放時段: 星期一至五 13:00-18:00 (16:00-16:30清潔) / 星期六日 11:00-19:00 (13:00-13:30及16:00-16:30清潔) 至於晚上為什麼不開放依然是一個謎團。另假日人多會以派籌形式安排進入。
荃灣區二陂坊遊樂場以前是只有讓長者做拉筋伸展運動的休憩設施， 但隨着人口愈來愈多， 政府開始於2018年進行翻新工程。經翻新的二陂坊遊樂場以「社區客廳」為設計主題，除了瀡滑梯和捐山窿外，仲有繩網氹氹轉和車呔吊牀等新穎設施，同場亦有長者健體設施，促進老幼共融。改造後的二陂坊遊樂場，分成三個區域：遊樂設施、休憩區及活動區域。另外遇有休憩區及活動區域，有大量公共座椅，方便家長和老人家休憩。由於是舊公園翻新，二陂坊遊樂場兩旁排列著各式各樣的老舊店舖，包括麻雀館、洗衣店、士多等，非常有特色。
荃灣廣場的 L5 PLAY GARDEN 空中樂園，佔地逾3萬呎以嶄新面貌登場，除了保持原有綠化元素外，更以色彩斑斕的彩虹為主題！PLAY GARDEN空中樂園分為3大區域— 空中彩虹遊玩區、雲下休閒區及期間限定主題打卡區，多項遊樂設施均能訓練小朋友的大小肌肉、手眼協調等。
交通：屯馬線荃灣西站
地點：荃灣廣場5樓
時間：早上10時30分至晚上9時 30分
有大量的攀爬繩網陣，挑戰體力，絕對放電！
交通：屯馬線顯徑站出口
喜歡史諾比（Snoopy）嘅小朋友，一定唔可以錯過位於沙田新城市廣場嘅史諾比開心世界！地方雖然唔大，但係就有好多影相位、放電區，仲可以排隊試玩滑船添！
地址：沙田沙田正街18號新城市廣場3樓平台
交通：港鐵東鐵線沙田站A3出口
開放時間：11:00-19:00
新城市廣場全新打造佔地兩層共60,000平方呎綜合親子娛樂體驗區，包括新加坡得獎兒童室內遊樂場 「Kiztopia」全港首間體驗店、兒童體驗平台「Yum Me Play」全港首家實體店、主題遊樂場「歡樂天地」嶄新太空主題。合適一家大細，帶小朋友來「放電」就啱晒！
地點：沙田新城市廣場1期UB及LB樓層（於１樓Shake Shack旁電梯落）
沙田公園歷史悠久，山明水秀，而且交通方便（正好喺沙田港鐵站附近），唔少爸媽都喜歡帶小朋友去玩。公園分為南、北兩園，各園都有一個兒童遊樂場，大部分設施都需要爬上爬落，刺激好玩。
地址：沙田源禾路2號
交通：港鐵沙田站A3出口→步行約10分鐘
開放時間：06:30-23:00
位於將軍澳嘅寶康公園，堪稱係香港最多玩意嘅遊樂場！遊樂場以海盜船為主體，一共分為4大區域，小朋友可以由「船尾」玩到「船頭」，各有特式、玩法，啱晒一班「甩繩馬騮」！
地址：將軍澳運隆路
交通：港鐵寶林站B2出口→步行約10分鐘（出口轉左，沿行人路直行至東華三院王余家潔紀念小學轉右直行便可到達）
開放時間：24小時
調景嶺體育館喺2015年正式啟用，有別於一般遊樂場，呢度嘅設施都比較新潮，相信小朋友去到一定會覺得好有新鮮感！
地址：將軍澳翠嶺路2號
交通：港鐵調景嶺站A2出口→步行5分鐘
開放時間：07:00-23:00
馬鞍山公園嘅設施非常集中，有體育館、室內遊樂場、戶外遊樂場、圖書館、游泳池等等，地點非常方便。而且公園環境舒適，啱晒小朋友於日假前來伸展筋骨。
地址：馬鞍山鞍駿街12號
交通：港鐵馬鞍山線馬鞍山站A1出口
開放時間：06:30-23:00
麥當勞都有兒童遊樂場？冇錯，呢間位於太和邨嘅麥當勞，經翻新之後的確多咗個俾小朋友放電嘅遊樂場，而且入面嘅設施同傳統遊樂場完全唔同，小朋友去玩一定會有大大驚喜！
地址：大埔太和邨太和商場102號舖
交通：港鐵東鐵線太和站A出口
開放時間：星期二至日10:00-18:00
*遊樂場於逄星期一將會進行清潔
*如前一天遇上惡劣天氣，職員將會自行判斷是否適合開放公眾玩樂，爸媽可預先致電查詢
查詢電話：2650-9136
愉景灣的大白灣沙灘有個全港唯一的沙灘遊樂場適合帶小朋友去玩，而且還是免費! 沙灘遊戲場的設施很豐富，而且都是一般遊樂場少見的，感覺像是外國的遊樂場。
交通：
1. 乘搭地鐵至欣澳/東涌站轉程巴士後，在愉景灣廣場下車。
2. 乘搭中環搭渡輪前往。
3. 駕車的朋友可以考慮駕車到欣澳站再轉巴士，欣澳站旁邊就有一個大大的室外停車場，收費也不貴。
馬場隨了是觀賞賽馬競技外，亦是遊人假日的好去處！馬場的中央興建了彭福公園，由香港賽馬會撥款興建及管理，1979年已經落成，擁有廣闊的綠茵草園、迷人的景觀及園林，及少量的遊戲設施，更是著名的寵物活動場地，不少毛孩的父母，每逄開放的日子，就會帶著自己的寵物在這裡奔走，跟其他狗隻互動。
這裡也是野生雀鳥的理想居所，遊人在這裡漫步時有機會看到野生白鷺等。2008年，彭福公園因為北京奧運馬術比賽進行了改建，現時仍保留不少的展品如奧運聖火火盆、奧運五環等。現時馬會正在改善公園內的設施，計劃加入馬術體驗中心，加入小馬讓公眾試騎及提供小馬護理課程，相信將成為新的親子活動。
地址 :
開放時間 : 由於公園不是每天都開放，建議到訪前先到香港賽馬會網頁查詢。
交通：火炭站C出口，出閘後朝銀禧花園方向，經過一條有行人通道才到達沙田馬場。
慈雲山歷奇樂園正正是引入新加坡遊樂場設計, 場內還有玩水裝置, 夏天來玩消暑又放電! 絕對是感觀探索大爆發的親子好去處!
地址: 九龍慈雲山毓華街23號慈雲山中心5樓
開放時間: 10am-6pm (12-1pm, 3-4pm為清潔消毒時段) (現場實施人數限制, 逢星期一關閉作大清潔及保養)
剛好呼應以前這裏是舊啟德機場，雖然場地小小一個，但是飛機造型實在太太太吸睛了，連地板都有飛機圖樣，喜歡飛機的可以來打卡！
這個新遊樂場真的有驚喜，乍看之下很像台灣的社區小公園，好有台灣的風格，走的是森林風，還有新式氹氹轉、韆鞦，地板也設計得好可愛，感覺是有用心的遊樂場！據說是今年才落成的新公園喔~
黃大仙區真係有好多好玩嘅遊樂場！呢個位於黃大仙坪石嘅遊樂場，就係著名嘅恐龍公園，入面有大量裝置都係仿照侏羅紀時代，會有好似走入一個恐龍世界嘅錯覺，非常過癮！
地址：九龍平山彩石里
交通：港鐵彩虹站A3出口→步行約7分鐘（經坪石邨往山上走）
開放時間6:00- 23:00
香港有好多大型屋邨都會有遊樂場，不過唔係個個都好玩，但呢個位於石硤尾邨嘅小型遊樂場就值得推介俾大家。同一般以瀡滑梯為主嘅公園唔同，石硤尾邨遊樂場以「爬」為主，有多個攀爬玩意，啱晒成日爬嚟爬去嘅小朋友。
地址：九龍石硤尾窩仔街石硤尾邨美賢樓美笙樓之間
交通：
港鐵石硤尾站C出口→步行約8分鐘
開放時間：24小時
要數九龍區嘅公園又點少得九龍公園呢！公園原本係個軍營，喺1970年重建，至今已經有40幾年歷史。公園最出名係有超過200幾隻雀鳥嘅百鳥苑，同小朋友觀賞完雀鳥之後，記得去遊樂場玩番夠本！
地址：九龍尖沙咀九龍公園
交通：港鐵尖沙咀站A1出口即達
開放時間：05:00-24:00
除咗九龍公園，尖沙咀其實仲有地方係啱小朋友放電架！遊樂場位於港鐵尖東站平台上蓋，面向新世界中心，仲可以望到維多利亞港嘅景色，喺小朋友放電嘅同時，爸媽都可以欣賞吓風景，放鬆心情。
地址：尖沙咀中間道
交通：
1. 港鐵尖沙咀站A1出口
2. 港鐵佐敦港鐵站C1出口
3. 港鐵西鐵線尖東站K出口
開放時間：24小時
除咗MOKO呢個商場之外，圓方都有一個活動空間大嘅遊樂場，入面嘅設施都有別於一般遊樂場，好多真係見都未見過，小朋友一定會覺得好有新鮮感！
地址：九龍站圓方上蓋公眾兒童天地
交通：港鐵九龍站E出口
開放時間：06:00-22:00
位於觀塘海濱公園嘅「感觀花園」，設施以啟發孩子五感為主，每一項玩法簡單，又非常有特色，係一個可以俾小朋友盡情探索嘅好地方！
地址：香港九龍東觀塘海濱道183號
交通：
1. 巴士11D、23、74X、80、80P、80X、83X、93A、268C、269C→觀塘碼頭下車
2. 渡輪（西灣河<–>觀塘、北角<–>觀塘）
交通安全城除咗有得玩，仲可以教小朋友正確嘅道路使用規則，而且夠晒安全，所以一直都係爸媽心中嘅親子好去處。以下為大家介紹位於秀茂坪嘅安通安全城：
地址：九龍觀塘秀茂坪秀明道56號
交通：觀塘（觀塘道）→專線小巴16層線（秀逸樓下車）
開放時間：8:30am – 5:30pm
查詢電話：2346-6943
**溫馨提示**如沒有團體租用，交通安全城會開放給公眾使用
更多親子資訊：即摘即食士多啤梨+新鮮蔬果+餵小動物｜親子好去處
喺深水埗游泳池旁邊有一個遊樂場，曾經去玩過嘅人都大讚有驚喜！遊樂場由三個部分組成，可以分為初級組、中級組同高級組，點解咁講？一齊睇睇以下介紹喇！
地址：香港深水埗荔枝角道733號
交通：
1. 港鐵深水埗C2出口→步行約10分鐘
2. 九巴路線2、2A、32→深水埗公園下車
開放時間：24小時
南昌公園於1998年啟用，出名幽靜，特色係設有大型草坪，係假日野餐、攝影同放電嘅好地方。一到咗春天，公園中央有近30棵黃花風鈴木盛放，經常吸引數以百計遊人到場賞花，如果爸媽係惜花之人，就一定要去行一轉！
地址：九龍深旺道20號
交通：港鐵南昌站D1出口→步行約10分鐘
開放時間：24小時
京士柏遊樂場位於京士柏山上，距離旺角只有10至15分鐘步程，有網球場、籃球場、林蔭小徑、兒童遊樂設施、涼亭等等，平日到訪嘅人較少，想帶小朋友遠離繁囂嘅爸媽值得一去。
地址：油麻地京士柏道23號
交通：
1. 港鐵油麻地站D出口，向消防局方向走，會見到有一列小石級，步行約200步石級後即可到達
2. 港鐵佐敦站出發，前往伊利沙伯醫院 ，當到達醫院後找M座，走過M座側的行人路便會到達京士柏道的京士柏遊樂場，再沿藍色欄杆往山上走即可到達
開放時間：07:00-23:00
荔枝角公園 位於深水埗西，交通非常方便，而且總面積達17.65公頃，提供多項玩樂設施，除咗放電遊樂場之外，仲提供游泳池、體育館同圖書館等設，可以玩足一個下午！
地址：荔枝角百老匯街
交通：乘坐港鐵或西鐵→美孚站A出口，步行約5分鐘
開放時間：24小時
香港地少人多，想搵個地方教小朋友踩單車都唔容易，除咗入新界之外，位於九龍灣嘅單車公園都係一個好選擇！公園內有多條單車徑，仲有俾小朋友專用嘅單車訓練場，非常安全！
地址：九龍灣啟禮道18號
交通：港鐵九龍灣站→專線小巴51M號 或 步行15分鐘
開放時間：07:00-23:00
新蒲崗四美街有個新落成的東啟德公園，內裏有個兒童遊樂場「彩虹樂園」好特別。因為它沒有傳統一座座組合式遊樂設施，以遊樂體驗作整體規劃，場地更分為四個區域：森林歷奇、叢林探索、旋轉綠地同健體園地。
地址：新蒲崗四美街（鄰近采頤花園）
交通：港鐵鑽石山站B出口步行約8分鐘或乘搭多條巴士及小巴路線到達。
前往啟德大道公園的交通超方便，睇地圖距離屯馬綫啟德站只是5分鐘步程。雖然這個場不是十分大，但勝在設施夠新奇有趣，講到賣點當然是有大人高度的繩索橋，又有繩網、滑梯、攀爬設施、捐山窿，還有6人圓圈大鞦韆！
地址：九龍城沐安街16號（港鐵啟德站A出口）
免費入場
西環嘅卑路乍灣海濱長廊全日24小時免費開放,而且交通都方便。海廊長廊公園沿海路段唔算長，但係就可以欣賞到西九龍、昂船洲大橋和青馬大橋。地方雖大，入面仲可以玩滑板車、滑板、滾軸溜冰等。所以小朋友進行玩樂嘅時候，大人都要睇實小朋友，以免碰撞受傷哦。
地址：堅尼地城卑路乍灣海濱長廊公園
交通：
1. 港鐵堅尼地城港鐵站 A出口，沿土美菲路向海邊步行，大概5分鐘路程，轉入城西道，卑路乍灣海濱長廊就喺堅尼地城巴士總站隔離
2. 乘搭巴士 18P, 18X, 113, 904等，於堅尼地城巴士總站落車。
開放時間：24小時開放
香港公園位於高樓林立嘅商業區，佔地8公頃，設有人工湖、小瀑布、觀鳥園、兒童遊樂場等設施，相信要行晒成個公園都需要花上一整天嘅時間！
兒童遊樂場建於6個不同高度的平台上， 以樓梯和斜路相連，每一個平台上， 都有為不同歲數兒童而設的遊戲設施，而最吸晴的地方當然是招牌滑梯啦，招牌滑梯專為5-12歲兒童而設， 其衝力大，速度快， 吸引了很多哥哥姐姐們玩完又玩， 尋求刺激感!
沙池面積雖然不大， 但小朋友們可以在此隨意玩沙和堆城堡， 還有搖搖椅及挖沙推土機的兒童設施， 絕對能令小孩子們玩得快樂盡興！不過順帶一提， 如家長們帶小寶貝去玩沙， 要有心理準備他們會玩得全身都是沙， 清洗會有些麻煩， （建議多帶套衣服更換）， 但和好玩開心的童年回憶來比較， 一切都是值得的！
地址：香港中區堅尼地道7A
交通：
金鐘港鐵站C1出口
開放時間：
觀鳥園：09:00-17:00
遊樂場：06:00-23:00
柯士甸山遊樂場曾經係前港督嘅後花園，風景極靚，裏裏外外都充滿住傳統19世紀英國維多利亞時代嘅設計，好似置身於外國宮殿一樣，係放鬆心情嘅好地方！
地址：山頂柯士甸山道中段
前往方法：由凌霄閣沿柯士甸山道行約5-10分鐘即達
開放時間：24小時
鰂魚涌公園位於太古城，佔地超過9公頃，沿維多利亞港東岸興建。由於公園嘅兒童遊樂場空間極大同埋設備完善，單單係韆鞦就已經有12個，係區內小朋友放電必去嘅好地方！
地點：香港太古城一期
交通：港鐵太古站E1出口→在太古城中心2樓旁往太古城中心四座天橋，然後往右出，行樓梯落就會到達
開放時間：24小時
鄰近馬場，有一個比較少人知道嘅兒童遊樂場，大部分喺度玩嘅小朋友都有唔同國籍，不過喺孩子嘅世界入面，「好玩」就係共同嘅語言，只要有好嘅玩樂設施，小朋友自然會玩得盡慶！
地址：黃泥涌道新月花園
交通：乘電車（往跑馬地）總站下車
開放時間：24小時
*跑馬地賽馬日期間關閉，時間如下：
日馬：12:00-18:30
黃昏馬：16:15-22:30
夜馬：18:15-23:30
更多親子資訊：【鐵路直達】5個親子行山好去處
維多利亞公園係港島區最大嘅休憩場所，周圍都種滿花草樹木，可以稱得上為鬧市中嘅小綠洲。公園內一共有4個兒童遊樂場，下次同小朋友去銅鑼灣Shopping完，記得帶佢哋去放電喇！
地址：銅鑼灣興發街1號
交通：
1. 港鐵天后站A2出口→左轉由興發街入口進入公園
2. 港鐵銅鑼灣站E出口→沿記利佐治街步行前往
開放時間：24小時
部分圖片來源：康樂及文化事務署
灣仔區商業大廈林立，平日想搵個地方休息吓都唔容易，更莫說帶小朋友放電。不過Blogger廿四孝爸爸早前發掘到兩個位於灣仔峽道嘅兒童遊樂場，地方雖然比較僻靜，但勝在人流唔算多，好彩嘅話星期日更加可以「包場」俾小朋友玩餐飽！
地址：香港灣仔峽甘道
交通：
1. 港鐵灣仔鐵站出發→經灣仔峽道步行約40分鐘
2. 中環交易廣場乘搭15號巴士→灣仔峽道站下車
3. 由灣仔乘的士前往（車費約$60元）
開放時間：24小時
最近得知中西區海濱長廊-西區副食品批發市場段的「海中心公園」已正式啟用，而且離我們的新家不太遠，所以媽媽我就趁爸爸整理新家的時候就帶兒子去玩放放電。海中心公園公園位於西區副食品批發市場前的海旁，臨近西環貨物碼頭，如果由香港大學站出口，向海行五分鐘 或 西營盤B3出口，步行十五分鐘便到。
這裡有四個碼頭均以兒童、藝文、休憩和露天為主題的休憩區域，以海洋為主題的兒童遊樂設施，設於一號碼頭。
中西區海濱長廊－西區副食品批發市場段
地址：西區副食品批發市場（鄰近西環貨物碼頭）
查詢：http://www.lcsd.gov.hk/tc/contactus.html
44. 炮台山：東岸公園
2021年落成的炮台山東岸公園，帶來嶄新的玩樂好去處，有兒童喜愛的平衡車試驗空間，以及小型的遊樂滑梯設置。主題區亦是寵物友善場地，歡迎市民帶同繫上牽繩的寵物到訪。而公園最大的特色是長長的防波堤，以及設置了小大大小小波浪型的休息椅，讓大眾安坐在這裡欣賞香港迷人的海岸線及日落。另有以維港為主題，巨型超吸睛的「VICTORIA HARBOUR」藝術裝置，成為公園必到的打卡點。
地址：炮台山屈臣道以西（炮台山地鐵站A出口）
開放時間：24小時
交通：從港鐵炮台山站經油街轉入電器道，至屈臣道街尾即達，步程約7分鐘
