親子餐廳 | 強戰回歸!KidsKiss 親子主題餐廳


全年適用

疫情影響下,各行各業都大受影響!就連小朋友嘅玩樂都扼殺埋!最近,終於回歸正常,大家都可以盡情去玩啦!Yeah !

Kidskiss 而家搬咗去港島區嘅北角和富中心地庫(由地鐵站A1 出口步行約6-8分鐘)。

 

玩樂區新場地比以前更大,玩樂設施更多元化。除咗同以前一樣有超大型攀爬區、超像真超市、玩車區同BB區外。而家仲多咗有:露營及田野區、變妝區、D mind & the prince閱讀區同AR 區等。

當然最特別係個攀爬架,比以前更大更刺激同更富挑戰性。上下兩層嘅攀爬架,繞着攀爬網、滑梯、障礙道同小型波波池等設施,而最刺激一定係位於頂層嘅兩條金屬長滑梯,速度感極佳,而且當有人滑落時,滑梯仲有閃燈效果添。

 

超像真超市比以前更大更專業,見到貨品當中,連杯麵、熊仔餅同益力多都有。陪媽咪去街市/超市入開貨嘅Alfred 話都好似呀~

 

 

 

玩車區:而家多咗唔同嘅車,而且賽道更富挑戰,中途仲有模擬加油站同維修站,弟弟玩到唔捨得走呀。

 

BB區:比以前更大更寬敞,仲設有小型波波池同小滑梯,更有小量玩具俾BB探索。

露營及田野區:近年勁hit嘅Camping 都有,入面有唔同款嘅帳篷,仲有bbq用具同食物,更可以去田野區自給自足去Camping。

變妝區:呢個新嘅變妝區真係不得了,除咗有超專業化妝間同唔同服飾之外,仲有更衣室(真係好似時裝店一樣咁呀!)。換完衫,仲可以去舞台或紙盒入面影相。超正!

 D mind & the prince閱讀區:除咗動嘅活動之外,亦有靜嘅。呢區有好多D mind & the prince嘅書。如果有興趣了解多啲D mind & the prince嘅家長,都可以去呢度睇下。

 

AR 區同其他小遊戲區:估唔到呢度連AR都有得玩,大人小朋友都好啱玩呀!除咗AR外,仲有其他小遊戲區,玩樂設施超多元化。

用餐區:呢家用餐區係同玩樂區分開,雖然係分開,但部分用餐區係可以睇到玩樂區嘅情況,而且個人覺得用餐區比之前更大,座位與座位之間距離比之前更闊。另外,叫餐方面,仲可以用QR code落單,方便快捷!

 

食物方面,個人覺得水準依舊,希望可以繼續保持落去!等小朋友玩得開心,家長都食得開心~

至於育嬰室呢度更有兩間,一間喺玩樂區而另一間則喺餐廳。

至於收費及入埸時間,大家可以睇以下兩張相作參考。

最後,咁好玩嘅地方,當然最好做埋會員啦!呢家俾$88 就可以成為會員,成為會員之後小朋友仲可以去夾糖區夾糖食同會員優惠添!

=======================================

KidsKiss 親子主題餐廳

地址:北角和富道21-53 號和富中心地庫B01b 舖

預約網址:https://app.optitable.com/en/reservation/?rid=291

溫馨提示:

– 疫情緩和都唔可以鬆懈,記得勤手洗/搓手,勿摸眼、口、鼻。

=======================================

(以上資料更新至撰文當日)

聯絡電郵: alfredbb325@gmail.com

最近開始玩IG,歡迎追縱:allaboutalfred

最近開始玩MeWe,歡迎追縱: https://mewe.com/p/AllAboutAlfred/

追踪更多育兒生活分享,請按 Alfred 成長日記 

 

作者:Alfred 媽媽

 

其他閱讀:

【親子餐廳】新!日系風格 x 運動活動場地 Tree Health & Sports

幼兒食譜│椰香紫薯數字蛋糕 | 網紅款式x 無糖x無奶x無牛油 (適合加固寶寶) 附超詳細食譜│Alfred 媽媽


熱門文章

召集親子餅印照片.展示最強DNA | 入選100強即獲精彩禮品
媽媽谷 | 免費加入Ohpama WhatsApp group獲得最新資訊 著數優惠
復活節海外玩2024|17大復活節好去處 日韓賞櫻/大阪環球影城復活節慶典限定/特色室內遊樂場
運動嘉年華 3月限定免費入場 5大運動體驗區 +近距離接觸香港運動員+免費換領紀念品
送《劇場版 角落小夥伴 奇幻的玩具工廠》電影換票證 | 展開奇幻探險之旅

親子餐廳 2023|全港28間親子餐廳合集 攀爬架/室內沙灘/靚靚打卡位/Care Bears主題美食
親子餐廳|90年代靚靚裝修+小巴打卡卡位 任玩人力車/四人單車 嘆懷舊「水波蛋」
親子餐廳|期間限定 KUROMI 主題拉麵店 大量打卡位+嘆卡通特色日本拉麵
深圳好去處 |着漢服打邊爐 打卡一流 深圳大熱古風火鍋店 有漢服租借+化妝服務
港九新界7間戶外 露天餐廳 享受舊警署食堂+玩盡沙池鞦韆+嘆日光海景
親子餐廳 |超多桌上玩具/圖書/手動遊戲機 平日午餐$62起包餐湯+飲品|初初媽媽
查看更多   ▸