原來我都有機會試下揸賽車有幾快，快過McQueen 添呀，我話你聽！呢間鋪頭，表面係一間書店，有STEM、英文繪本、益智玩具，又有舒適椅供客人打書釘；實際上是感官圖書館，令閱讀變得更有趣味！
原來鋪頭入面主題式體驗區，全港首個親子賽車互動體驗館「Junior Racing Academy」，佔地3,800平方呎，超過10個互動區，結合STEM學習元素及賽車發展、比賽、機械等知識！有得玩賽車，就是男孩子的天堂，入面有咩玩？啱幾多歲？
一入場就係一個迷你賽車博物館，三個孩子都各自有喜愛玩的互動區，大火同三火，喜歡用自己砌的賽車，放在傾斜跑道上向下滑到尾，過程結合STEM元素，才能成功！試過滑到最下成車散晒，要不斷改良，提升車的質素。
咁難三火都玩到？梗係要靠火腩爸砌車啦！三火有車在手就非常滿足，年幼的孩子，光是車車瀡滑梯都玩到好耐！
二火喜歡兒童版方程式模型賽車，坐喺方程式賽車座位，結合VR以第一人身感官去駕駛模型賽車。連我哋大人都有得玩賽車模擬器，俾機會你揸到215 mph，唔炒先係王道！
唔想玩賽車？店外有好多workshop可以參加，我地玩左整bathbomb的workshop一次可以整到4-5個！
呢度就係 位於沙田新城市廣場Playpark的「Yum Me Play」季節限定的。即日至2023年1月，把握機會聖誕，來一個特別的親子活動！
更多文章：
室內活動｜玩具展覽廳玩巨型飛行棋@兒童探知館｜護士Vi媽三小火
親子好去處｜搭第六代纜車去隱世富豪後花園 纜車門票優惠+野餐+遊樂場
