| 日期 | 全年適用 |
帶小朋友出去玩當然要事前做足準備功夫，Blogger「酒窩寶寶Kiana」分享以下 親子半日遊 的行程，除了可以免費探小馬、踩家庭單車，還有交通安全城、親子餐廳等，行程為於屯門區，交通非常方便，有興趣的爸爸媽媽不妨參考一下！
騎術學校，可以免費入去參觀，參觀嘅時候會見到有人騎馬，kiana好開心好想試吓騎馬，如果夠年齡嘅話，一定會俾佢上堂試吓學騎馬，$260/一堂。
附近仲有個湖山公園，入面除咗有公園設施小食部之外，仲有個地方俾家庭踩單車，年紀較細嘅小朋友可以租平衡車或者單車入去交通安全城踩，再大啲嘅小朋友就可以租大單，車同爸爸媽媽踩去河邊、沙灘等。
親子餐廳方面，恐龍餐廳「Yummy Dino」有好多玩具俾小朋友玩，等佢食飯唔會悶，食物質素都OK ，價錢好平！
附近仲有户外高爾夫球場（最平$24/1個鐘）同埋射箭場，夠年齡嘅小朋友一樣可以好平咁入去玩。除咗踩單車，其他地方最好事前預約！
親子半日遊行程 ：首先湖山公園同埋高爾夫球中心喺同一個輕鐵站（輕鐵車廠站），之後搭2個輕鐵站（5mins），去到美樂站落車就會見到恐龍餐廳。之後跟住地圖行大概5分鐘，就可以去到騎術學校。
湖山公園（地址：屯門湖山路）
內有小食亭、公園、單車公園、交通安全城和河邊的單車徑，場內有租單車的龍記單車，價錢可參考圖片。如租借家庭單車，只可在公園內的範圍使用，普通單車就可以踩出單車徑去附近嘅沙灘。
Yummy Dino親子餐廳
地址：屯門湖翠路2號美樂花園商場地下64號舖
康文署的高爾夫球中心及射箭場連結如下:
https://www.lcsd.gov.hk/tc/golf/tuen_mun.html
騎術學校的連結如下:
https://www.lcsd.gov.hk/tc/prs/tm.html
溫馨提示：去騎術學校參觀之前，我哋有打電話去問一問佢，佢話普通參觀直接入去就可以，但係去門口嘅時候保安會問一問有冇預約，我哋就話打個電話嚟，佢就俾我哋入去啦！
文章獲酒窩寶寶Kiana授權轉載
更多親子好去處：
