親子餐廳 ｜環境安靜 食物價錢親民 小朋友至愛波波池 一大一小$85/小時｜雷囡媽媽

去玩波波池就最啱阿女，如果有得食埋野，就更好啦！所以前排我就帶咗阿女去呢間 親子餐廳 ：

【馬鞍山新裝修 親子餐廳 】

呢間喺馬鞍山wegomall 嘅 Whizbo kids Cafe 已經重新裝修，波波池大過之前好多，最緊要是食飯價錢好親民，唔同一般親子餐廳下下都幾百蚊一個餐。意粉、炸魚、小食，幾十蚊就有交易，真是抵玩好多！講真吖，小朋友掛住玩，都唔食嘢架啦，大人可以坐低食下、傾下，各自各metime，都咪話唔爽。唔好睇佢價錢平就以為唔好食，食物水準唔差，意粉同飯CP值高，炸魚薯條連英國返嚟嘅鬼妹仔都話好味！

唔洗包場都有得食有得玩，人少少都去得，好方便。呢度空間夠大，人數唔算好多，大人食飯傾計都唔洗嗌破喉嚨。而且仲可以book場開party或者預訂到會。

Whizbo Kids Cafe 資料

地址：馬鞍山保泰街16號 We Go Mall四樓5號鋪

Facebook: https://www.facebook.com/WhizboKidsCafe/

圖文獲「雷囡媽媽」授權轉載

其他好去處：

親子貓cafe ｜日系原木風 無限時任坐套餐$58起包食物+飲品｜初初媽媽

銅鑼灣親子餐廳 大型粉色波波池+釣魚水池+磁鐵積木 專為2歲以下幼兒特設遊戲區 ｜為食爸爸與Asher的親子日常

親子餐廳 ｜充滿童心布置 打卡積木公仔 食物款式多小朋友開胃｜護士Vi媽三小火