免費遊樂場 | 沙田恐龍公園 無限時任玩 入場6大注意位|80後爸B


全年適用

呢個新開嘅 恐龍公園 足足有3.5萬呎,仲有14項玩樂設施無限時任玩,俾阿寶瘋狂 放電 一流!

一入去就見到「暴龍大冒險」,可以由暴龍口爬入去,有繩網陣、吊床,仲有7米高滑梯,爸爸覺得真係好刺激呀!另一個好玩嘅係長23米「恐龍飛索」,俾小朋友有飛一般嘅體驗。

免費遊樂場 | 沙田恐龍公園 無限時任玩 入場6大注意位|80後爸B

呢度啲設施啱2至12歲,所以阿寶呢個年紀都有好多嘢玩!玩完3米攀爬牆+滑梯「劍龍之谷」,再喺「腕龍森林」走嚟走去,之後再到「恐龍山丘」爬上爬落,太陽落山都唔捨得走!

介紹返~呢度係 Dino Park 恐龍公園 ,雖然場地夠大,不過玩嘅人都好多,所以入到嚟玩,有以下6大注意位:

1. 公園位於5樓,唔識路可能兜極都去唔到 ,其實只要喺港鐵沙田站A3出口去到商場中庭,搭右手邊電梯上一層,再行前少少搭另一部電梯上一層,之後推右手邊玻璃門出去就到。

2. 我哋週末過嚟要掃QR code拎籌,足足等咗成鐘,大家最好諗定拎籌後點消磨時間。

3. 公園開朝7晚10,而且無限時任玩,所以不妨早啲、晏啲去玩。

4. 飛索、鞦韆呢啲受歡迎設施,入到場要再排隊,如果爸媽同行,可以一個睇住小朋友,一個負責排隊,慳啲時間!

5. 場地全戶外,雖然有啲遮陰位,但係爸爸覺得略為唔夠,日頭去玩要做定防曬措施。

6. 呢度有免費飲水機+洗手位,玩完補水、清潔雙手都好方便。

更多資訊:

Dino Park 恐龍公園

開放時間:每日07:00-22:00
地址:
沙田新城市廣場1期5樓
交通:港鐵沙田站A3出口、巴士沙田市中心站
入場費:免費
更多資訊:「沙田新城市廣場」網站

作者:80後爸B,原文刊登於「阿寶與爸B 生活日常」FB專頁

更多親子玩樂好去處:

室內遊樂場 |免費海洋世界遊戲室 大大架潛水艇/海底洞穴繩網/滑梯|80後爸B

免費好去處 |衛生教育互動展館 邊玩邊學/有得打卡/拎禮物|80後爸B

荃灣好去處|位於商場 海洋探索體驗館 睇水母+爬蟲動物+任玩兒童遊戲區|80後爸B


熱門文章

Oh!爸媽《由名字開始》毛筆書法比賽2024︱召集K3-P6向傳統大書法家致敬
北角新開幕4,000呎室內遊樂場 模擬超市/AR沙池/小火車 一大一小$110玩2小時
香港海事博物館 免費親子同樂日 模擬駕駛體驗/博物館尋寶/攤位遊戲/導賞團
觀塘室內遊樂場 低至$38/位 120分鐘暢玩發光鋼琴滑梯/五彩陶瓷沙池/波波池海/彈床
親子餐廳 2024|全港28間親子餐廳合集 攀爬架/室內沙灘/靚靚打卡位/Care Bears主題美食

首個武術 X 舞蹈 嘉年華 逾60場表演及活動 80米長特色「功夫街」
室內遊樂場 |1大1小$100玩足三個鐘 地鐵車廂/建築工地/航空主題設施+戶外水車
夏日水上樂園 ︱全港最大型戶外親子水上樂園 全日任玩$164/位 大型充氣城堡/滑梯/波波池/水上競技/泡泡大戰
夏日水上樂園 ︱全港最大型戶外親子水上樂園 全日任玩$164/位 大型充氣城堡/滑梯/波波池/水上競技/泡泡大戰

暑假就是要玩水!除了去泳池、海灘,現時更可以到位於上水的 Skechers Summer Waterpark !這個 夏日水上樂園 號稱全港最大型戶外親子吹氣城堡水上樂園,佔地 60,000 呎,提供

第二屆魯班節親子活動 逾7呎半高「魯班鎖」藝術裝置/魯班廟導賞團/免費工作坊
多啦A夢展覽 ︱「100%多啦A夢&FRIENDS」巡迴特展 最後加推場次 6月17日早上11時開售
康文署7.1 青衣東北公園 辦回歸嬉水嘉年華 設水槍迷宮、水上滾筒及充氣水池(附索取門票詳情)
查看更多   ▸