沖繩親子遊 ｜春天就快返嚟啦，每年1-2月到日本沖繩旅行，都會見到出現不同的花海，百花齊放，是帶小朋友親親大自然嘅好時機！居日Blogger「彤彤與昕昕沖繩手記」實地為大家打探咗3個春日限定嘅沖繩花海情報，即睇：
富二代一直被爸爸灌輸「家中欠很多債」?
沖繩最常見嘅花海是波斯菊。位於讀谷嘅波斯菊花田 ，佔地約1500坪土地，超過100萬棵波斯菊盛放！我哋2月1日到訪，波斯菊分開4個不同位置，其中有一塊田的波斯菊仍未綻放，估計一個星期後會慢慢開花，另外3塊田開花程度大約七到八成，如果天氣情況良好，應該整個二月波斯菊都會開得好燦爛。如果剛好這段時間到訪沖繩，絕對值得一去！
櫻花祭典普遍都開得比較早，去祭典未必睇到盛放嘅櫻花，賞盛放櫻花有可能未必玩到祭典，只能二選其一啦。不過櫻花開放期間，不同地點都會有啲店舖會逢星期六日開，有機會可以去睇吓。
講返八重岳山頭，除咗喺一邊沿路揸車上山賞櫻之外，山腰位置有一個櫻之森大公園 ，小朋友可以盡情喺嗰度放電，沿山而起嘅瀡滑梯又長又好玩。如果有時間仲可以帶埋野餐墊，於櫻花樹下慢慢野餐。今年仲多咗好多美食車，買完嘢再過嚟野餐食嘢都幾舒服。預計今年應該大概二月上旬左右會開得比較燦爛，大家把握機會去賞櫻！
日本嘅新年係一月份，好多人都會去拜訪神社，換上新年喜慶衣服嘅彤彤昕昕特別醒神。今日我哋嚟到呢個地方有齊神宮、神社，可以比大人參觀買御手，仲有個大公園，真係老少咸宜嘅好地方！仲有紫藤花海嘅隧道，雖然紫藤花係假花，但係影出嚟效果都好靚呀。
圖文獲「彤彤與昕昕沖繩手記 」授權轉載
其他好去處：
