| 日期 | 全年適用 |
喺高雄夢時代購物中心頂樓嘅「 恐龍探索樂園 」係以恐龍為主題，園區內共有12種恐龍，最吸晴嘅6米高大暴龍真係遠遠都已經見到，此外仲有劍龍、脊龍、慈母龍、鯊尺龍、翼龍、三角龍、副櫛龍、迅猛龍、雙冠龍、腕龍同彎龍。
呢個樂園係免費入場，參與玩樂設施先需要收費，基本上每項設施都係收費100元台幣，設施包括：飛越冒險谷、穿梭冒險谷、急速擂台、高空彈跳、海怪大歷險、探索古文明、瘋狂旋轉塔、重游威尼斯、勇闖侏儸紀、逃離恐龍島，仲有互動嘉年華「BB槍射擊」、「射氣球」、「撈魚趣」、「叢林公投王」。
除咗可以單項購買，其實買遊樂套卡比較划算，300台幣便可玩5項設施，我哋當日去仲有優惠，只需500台幣就有兩個套票，平均50台幣就可以玩一次，足足平咗一半！由於我哋去嘅時候係平日，人流不多，若要用套票玩任何遊戲，就可以到售票處找職員幫忙。
原先諗住樂園小小的，5格套票應該好快會玩哂，就算有投幣電動遊戲同彈珠機也不會玩很久，估唔到我哋玩咗超過2個鐘，真係由下午玩到黃昏！整個樂園媽媽覺得「飛越冒險谷 」係最特別的，坐喺騰空嘅單車上面，可以邊踏邊眺望高雄市嘅景色，當日玩非常大風，感覺非常刺激，不過小朋友坐上去，應該會有點害怕！
如果小朋友係恐龍迷，去高雄不妨遊玩一下兼打個卡，打卡是免費的啊！
地址：高雄市前鎮區中華五路789號（夢時代購物中心頂樓)
營業時間：
週一至週四12:00～22:00
週五及假日前一天12:00～22:30
週六及連續假日10:30～22:30
週日10:30-22:00
圖文獲「豬仔包の開心日常」授權轉載
更多親子好去處：
