| 日期 | 全年適用 |
近排天氣唔算好熱，去郊外 放風箏 都係一個周末唔錯的family day好節目！
「劍橋爸」一家今次選擇的是位於西貢清水灣的「大坳門風箏場」。大坳門位於清水灣東部，附近有山有海，有大片草地專門俾人放風箏，是非常著名的風箏勝地！除了自駕外，這裏也有巴士及小巴等公共交通，落車後步行十幾分鐘便可到達，非常方便！
因為大坳門環境開揚，風勢非常急勁，所以經常吸引唔少發燒友過黎放風箏。即使是「菜鳥」、差唔多二十年無玩過風箏的「劍橋爸」都唔需要擔心，很多helpful的師兄們都十分樂意教路，全程超易上手唔駛十分鐘便成功將風箏放上天。
另外，郊野公園內的小食亭也有售賣小食、飲品及各種與風箏相關的物品。雖然係獨市生意，但價錢尙算合理，即使無預備相關物品的父母們都唔需要擔心！另外，場地也設有野餐及BBQ專屬區域，大家可以帶埋食物及飲品，輕輕鬆鬆咁消磨一個下午！
圖文獲「劍橋爸 – 育兒成長Fun享」授權轉載
更多親子好去處：
