深受小朋友歡迎的 玉桂狗 嚟到尖沙咀！今次唔單止有得打卡、買精品，仲可以品嚐以玉桂狗為主題創作的創意和風料理，包括日式咖喱飯、飯糰等。Blogger「和牛b的成長日記」已經率先到訪餐廳，即睇食評：
我哋好鍾意Sanrio Characters，今次輪到玉桂狗Cinnamoroll，當然唔可以錯過喇，場內仲有打卡位㗎！個聯乘主題，由即日起至2025年2月16日。店內除咗有精美可愛嘅玉桂狗餐點之外，仲有限定精品！
今次是一間日式居酒屋「黑木亭」聯乘Sanrio Characters，所以都是港人好鍾意嘅日式料理。餐廳特別推出超過10款以玉桂狗Cinnamoroll為主題的美食，當中包括和風料理、壽司、甜品及飲品，每款食物都融入咗玉桂狗嘅可愛造型，打卡一流呀！
Cinnamoroll飯糰採用日本珍珠米，超厚、超大舊。再配上章魚小丸子、玉子燒、燒汁雞扒，超豐富！雞皮仲是脆卜卜，好香口；章魚小丸子熱辣辣，正呀！另外，飯糰上面嘅玉桂狗眼睛和嘴巴，是可食用嘅透明米紙製成，打卡靚之餘仲可以食用。咖哩配白忌廉汁，可作鴛鴦飯食用，或將醬汁攪勻一齊食，好好味！玉桂狗特飲仲會附送玉桂狗杯墊（共四款，款式隨機送），好飲又好睇。
餐廳布置有日式慶典嘅感覺，入到嚟都好開心呀！
【黑木亭居酒屋尖沙咀店】x 玉桂狗 Cinnamoroll
地址：尖沙咀金馬倫道58-60號國鈀大廈地下至1樓
電話：2329 6669
營業時間： 12nn-11pm
作者：和牛b的成長日記
其他文章：
