| 日期 | 全年適用 |
今年8月秀茂坪有個 新開遊樂場 幾何動樂園 ，早前Blogger 80後爸B 趁有學校假期，帶女兒去放電！場地用幾何圖形+動物造型設計，最吸引一定係巨型大象滑梯，阿寶嚟到即刻要爬上去探索，藍色嘅大象身體係3層高攀爬架，至於象鼻就係2.5米高滑梯，可以訓練空間感+大肌肉發展！
另一個阿寶鍾意玩嘅就係烏龜彈床，佢喺龜背上面彈好耐都唔覺得攰。爸爸覺得雀鳥繩網陣都吸引，不過阿寶未夠膽玩。呢度其他玩樂設施仲有鱷魚跳飛機、考驗平衡力旋轉圈、敲擊音樂區等，雖然場地睇落唔算好大，不過都夠玩大半個朝早。
介紹番～呢度係 幾何動樂園 ，位於秀茂坪商場嘅3樓，聽講星期六日好多人，今次平日去人少啲，玩得盡興啲。
遊樂場入口有條彩虹隧道，陽光照射落嚟有7色效果，打卡都幾靚架。遊樂場隔離仲有幾間餐廳，阿寶瘋狂放電後⚡️食lunch都好方便！
地址：秀茂坪秀明道101號秀茂坪商場3樓戶外空間
交通：巴士 – 途經秀茂坪路線
揸車 – 商場有泊車優惠
免費入場
作者：80後爸B，原文刊登於「阿寶與爸B 生活日常」FB專頁
更多親子玩樂好去處：
