| 日期 | 全年適用 |
北上短線親子遊推介！14分鐘車程就可以從香港直達，先入住 五星級酒店 的親子主題房，白天帶小朋友到旁邊的兩大熱門室內遊樂場放電，夜晚慢慢嘆酒店自助晚餐，第二日仲有好新鮮熱辣的自助早餐，食完先返香港。行程好豐富的2日1夜深圳親子遊，即睇推介：
我哋入住嘅係恐龍親子主題房，有小帳幕、恐龍公仔玩樂，以及好多親子友善設施，有嬰兒床、兒童牙刷、沐浴露、拖鞋、小凳仔提供，角位有防撞軟膠的超貼心設計，帶小朋友夠晒安心！
浴室有超大浴缸玩水，同有兩個洗手間，一家四口唔使爭。房間面積有38平方米夠闊落，城景觀視野好靚！另有其他主題房，超推介親子入住呢間酒店。
套票包酒店自助晚餐，我哋食嘅係「金秋蟹宴海鮮主題」，現場每位成人送超多膏大閘蟹、蟹黃花膠羹、椰汁花膠、花膠杯，抵食呀！另外都有好多款式：一人一鍋打邊爐（有海鮮、肥牛好多款配料）、多款冰鎮海鮮、壽司刺身、燒烤、中式點心、即煮粉麵、糕點水果等……小朋友最愛朱古力噴泉，同埋有得玩DIY泡芙D，飲品雪糕任食任飲，大人細路都真係超級滿足。
自助早餐推介，有即煮生滾粥、自選奄列、新鮮即製蔬果汁、酥皮包點等。我哋食飽飽就去酒店遊樂場玩，免費入場，有滑梯波波池、煮飯仔、車車、圖書，地方細細適合幼兒玩樂。
好日子皇冠假日酒店
地址：福華一路28號
如何前往？我哋由香港西九龍高鐵14分鐘到高鐵福田站，8號出口步行6分鐘即達酒店，或福田地鐵站步行5分鐘。
深圳兩日一夜行程分享：
Day1：高鐵福田→酒店check-in→領展中心午餐虎灸燒肉→meland室內遊樂場、反斗樂園→酒店自助晚餐
Day2：酒店自助早餐→酒店遊樂場→領展中心午餐和府撈面→深圳冰雪節樂園、趕海自然探索樂園、推拿→晚餐客家圍
文章獲初初媽媽 ChochoMama授權轉載，部分內容經《Oh! 爸媽》編輯部潤飾或修改。
更多親子好去處：
深圳親子遊｜福田4分鐘地鐵直達的 遊樂場 體驗室內趕海+親親小動物 $64一大一小任玩全日
