| 日期 | 全年適用 |
周末唔想東奔西走，想搵一個地方既可以俾小朋友放電、附近多餐廳選擇，而且交通方便？Blogger推介去 啟德 免費室外遊樂場，玩完仲可以去隔離商場食嘢兼打卡期間限定的電影展覽，帶小朋友見識一下舊時候的老物件！
呢度有大草地可以野餐、可以放狗，有水池睇天空之鏡。最緊要是有俾小朋友放電嘅免費遊樂場！
兒童區有罕見的「滾輪滑梯」、繩網攀爬、迷宮闖關、敲擊樂器、沙池……比較有挑戰性！個人認為適合六歲以上小朋友。幼兒區有小滑梯、旋轉鐵柱，佢哋兩個最鍾意不停轉落嚟，呢邊就比較適合幼稚園小朋友啦。
順道要睇埋「期間限定」電影《九龍城寨之圍城》的免費展覽，所有嘢都超懷舊，值得一睇，帶小朋友打卡好得意，感受滿滿昔日情懷。快啲Mark低呢個免費親子好去處，放假即刻去玩啦！
啟德車站廣場兒童遊樂場A & B區
如何前往？地鐵啟德站D出口，沿着水池方向直行，左手邊先見到A區，再行前少少就見到B區。
九龍城寨電影展覽（免費入場）
地址：香港啟德Airside 108號舖
時間：至13/4/2025，11:00-21:00
文章獲初初媽媽 ChochoMama授權轉載，部分內容經《Oh! 爸媽》編輯部潤飾或修改。
更多親子好去處：
1:1 LEGO® F1跑車 模型展覽 多個互動遊戲「駕駛」模擬賽車 玩盡全場換領精美禮物！
大澳一日遊 ︱咸蛋工作坊+追蹤中華白海豚 超值價HK$125起/位
藝術展 推介 | K11 MUSEA「THE LOBSTER PAINTER」 + 港鐵香港站《牛仔伴你尋找回憶之旅創作展》 + 信和「Lightwaves 藝光動影」
即登記成為Oh!爸媽會員，或加入Whatsapp媽媽谷，緊貼第一手親子資訊。
