| 日期 | 全年適用 |
深圳龍崗大運中心竟然有個水上樂園，係今年新開幕㗎。
樂園的池水有處理系統，水深只有0.45米，絕對適合幼齡兒童，整體感覺潔淨和新淨。缺點是不像其他水上樂園，沒有好多個池和刺激大滑梯，如圖一樣，就這麼一個池！但是，對，就這麼一個池，孩子已玩上了半天！
游泳池入面有好多波波，實現小朋友的願望。入門口的黃色八爪魚兒童設施外表好吸引，隱藏攀爬設施和多條滑梯，阿二、阿三立即衝入去！因有多條滑梯，孩子玩完一次又一次，旁邊有水槍任玩，香蕉船、橡皮海豚和浮浮鴨都是免費的，仲可以自己帶水槍和水泡。
最特別係竟然有條光影隧道，睇落去都幾靚嘅，不過要小心啲，入面好跣。
旁邊有士多，可買烤腸、魚蛋、飲品等等補充體力。魚蛋好平，12元有10粒!
1.三點後就唔會曬太陽，體育館的影子成為遮蔭位。
2.儲物櫃需用微信支付，￥10元租一個，全日任開直至2300。儲物櫃位於更衣室外面，可以家庭分享使用。
3.池邊有鞋架和休息的地方。
4.光影隧道係幾靚，但地下勁滑，要超級小心。
5.弊處：淋浴區超唔得，第一無鈎無架，第二浴簾只能遮到一半。6格入面有一格的浴簾是破爛完全遮唔到，仲要喺一入門口就對正沐浴區嘅位，個個都見到你光脱脱，超扣分！
6.步行5分鐘就係大運中心商場，超多選擇食、玩、買選擇。
7.避免人流重點：每逢周末尤其星期日，大運中心體育館都好大機會有演唱會，五月會有光良、孫燕姿及任賢齊等等，商場食肆及打車都會好多人和封路。重災時段：1700-1900、2115至人潮散去。
大運·沐森水世界
地址：深圳市龍崗區青春路200號
交通：靠近深圳地鐵16號線大運中心站C出口
營業時間：10:30—21:30
作者：何穎恩姑娘
其他好去處：
深圳 親子按摩 ｜任食+任飲+任玩超豐富親子項目 附免入場費攻略｜護士Vi媽三小火
15間深圳 泳池酒店 推介：兩公里金色沙灘/無邊際泳池/最佳海邊落日觀賞點/歐陸風情打卡
深圳好去處｜深圳人氣第一主題 水上樂園 海盜船滑梯/水槍大戰/浮圈漂流 附5個入場貼士
即登記成為Oh!爸媽會員，或加入Whatsapp媽媽谷，緊貼第一手親子資訊。
