| 日期 | 全年適用 |
由泰國最具規模遊樂場HarborLand打造，超過10,000平方米的 空中水上樂園 及室內遊樂場是泰國最新、最熱門的親子景點。
樂園由7大主題區，包括18個滑梯、巨型滑水道、最長Sky Rider（空中滑行）、巨型水泡漂流冒險、水上玩具島、攀爬遊樂設施、工藝品DIY等精彩活動，超級好玩呀！從幼兒到成人、一家大細、所有年齡層都啱玩。
小朋友玩完水仲未夠累？！水上樂園直接連接住世界級室內遊樂場HarborLand！絕對唔好錯過呀，室內遊樂場以水世界為主題，四大遊樂區：幾層巨型彈跳迷宮（大人唔使彎腰都玩到㗎）；獨有漩渦隧道、自由落體滑梯、高空滑索、潛水艇賽車滑梯、LED無邊際波波池、賽牛競技，以及可以將6個DIY作品免費帶回家！
水上樂園連室內遊樂場規模龐大，超級多嘢玩，家長唔使驚！我最欣賞水上樂園及室內遊樂場都有「英語陪玩專員」服務，一對一全天候跟實小朋友玩，一齊爬高爬低瀡滑梯，又可以實地英語溝通，家長唔使追到斷氣、爬到腳跛啦。價錢仲超抵，爸爸媽媽趁機享受MeTime去Spa、shopping。
水上樂園設有6小時門票或全日任玩套票（無限次暢玩水上樂園及室內遊樂場）。入場可免費使用：置物櫃、毛巾、水泡、救生衣等。樂園設在大型購物中心上蓋，地鐵出口直達，美食、購物、玩樂一站式，適合親子家庭。
Harbor Island 水上樂園/MEGA HarborLand AQUA WORLD室內遊樂場
地址：The Mall Lifestore Bangkapi購物中心3樓
交通：搭乘BTS空/地鐵至MRT-黄線Bang Kapi站3號出口即達
營業時間：每日10:00-20:00
圖文獲初初媽媽 ChochoMama授權轉載，部分內容經《Oh! 爸媽》編輯部潤飾或修改。
更多親子好去處：
泰國親子遊｜6大 布吉島 親子度假村推薦 令全家大小玩到不想回家！
越南親子遊｜8個 峴港親子 度假村合集 兒童設施齊全 五星級度假選擇
日本親子遊｜沖繩南部超靚海景打卡位 巨型鞦韆+心型吊鐘 逛獨有手信市場
即登記成為Oh!爸媽會員，或加入Whatsapp媽媽谷，緊貼第一手親子資訊。
