| 日期 | 全年適用 |
假期同趙BB去深圳龍崗玩，首先去個超級放電嘅 龍崗兒童公園 ！公園開咗唔係好耐，所以非常新淨，真心推介俾大家，而且BB至青少年都啱玩。
兒童公園係免費入場，佔地面積相當大，園內有10個唔同主題嘅公園，包括唔同難度嘅攀爬設施、多款機動遊戲（按次收費亦可以買套票），仲有動物園、昆蟲館、音樂劇場等（均需要另外收費，可以自行考慮）。趙BB玩晒全部小公園+一項機動遊戲已經玩足成日，除咗夏天可能戶外有啲啲熱之外，呢度絕對是一個小朋友嘅放電好去處！
另外，公園裏面有好多餐廳同茶飲店，價錢同外面一樣，唔會特別貴，唔使擔心入去玩到一半要出返嚟搵嘢食；亦可以自由使用大草地上的露營桌椅，自己帶食物去野餐！衛生設施方面，有好多廁所，而且都非常乾淨。
小小Tips：場地有洗腳設施，強烈建議帶多套衫換同帶玩沙工具！
龍崗兒童公園
地址 : 深圳市龍崗區鹽龍大道與愛心路交會處北側
交通 : 深圳地鐵16號線「愉園站」Exit C 或「回龍埔站」Exit D（步行約15mins）
時間 : 9am – 10pm
圖文授權：趙c9廚房 Chiu’s Kitchen
其他好去處：
深圳好去處｜深圳人氣第一主題 水上樂園 海盜船滑梯/水槍大戰/浮圈漂流 附5個入場貼士
深圳親子酒店 合集｜23間推介 海景滑梯房/卡通主題親子房/酒店內有水上樂園 最平$300有找
即登記成為Oh!爸媽會員，或加入Whatsapp媽媽谷，緊貼第一手親子資訊。
