| 日期 | 全年適用 |
想小朋友了解最新的機械人及航天發展？一定要嚟深圳龍崗這個號稱最難預約、亦是全深圳最大的 科技館 ！這裏堪稱小童的科普樂園，以大量的視覺科技和實體遊戲，呈現宇宙、航天科技，以及未來生活的場景，而且免費入場，一家人北上玩樂點可以錯過？！
呢個科技館非常多嘢睇同體驗！科技館有5層，有4層分別係介紹太空/科技/科學/人體，每一個範疇都有。小朋友唔單止睇，仲可以動手去體驗，例如可以測試視力、模擬感受地震/颱風、嘗試空中漫步、與機械人捉棋等等。
二樓仲有一個Playhouse——Idea樂園，非常推介。除咗係Playhouse，裏面仲有好多科學探索相關的活動，例如力學、化學等元素，色彩繽紛又趣味十足。
最重要係科技館免費入場，仲有好舒服嘅冷氣。趙bb樣樣都玩吓試吓，不知不覺我哋喺館內逗留咗5個鐘！
小小Tips
1.必須於微信公眾號「深圳紅立方」預約入場，
2.Idea樂園只限1-7歲兒童遊玩，需家長陪同，不符合年齡要求的兒童不得入園。Playhouse需要另外預約，建議揀平日時段，我提早一個星期預約成功先入場，個人認為如果預約唔到呢個Playhouse，嚟科技館意義不大。
3.有部分體驗需按時間排隊，或者入場後預約預約活動時段，記得留意時間表。
深圳龍崗科技館
地址 : 深圳龍崗區龍翔大道8028號
交通 : 深圳地鐵3號線龍城廣場站Exit D
開放時間 : 9:30am-6pm
圖文授權：趙c9廚房 Chiu’s Kitchen
其他好去處：
深圳好去處 ｜龍華大型室內遊樂場 $146.5/位不限時門票 互動滑梯/高空探索/巨型彈床
深圳親子好去處 ｜0-2歲BB啱玩嘅9大好去處 水上樂園/免費公園/室內遊樂場
20間深圳 打卡餐廳 、靚cafe 懸崖海景/歐式莊園/摩洛哥沙漠場景 即睇地址及交通方式
即登記成為Oh!爸媽會員，或加入Whatsapp媽媽谷，緊貼第一手親子資訊。
