| 日期 | 全年適用 |
九龍城 高質火鍋店，餐廳入面竟然有兒童Playhouse，仲要喺正張枱隔離，可以望住啲細路玩，爸媽慢慢打邊爐，真係超爽！
店員見我哋帶小朋友嚟，就推介菜膽鮮魚湯鍋底，奶白色嘅魚湯非常鮮味，而且隔咗渣，打邊爐前可以飲2碗暖暖胃。我哋試咗手切鴛鴦牛，入口即溶，味道濃郁；海鮮盛合（二位），有鮑魚、蟶子、魚唇、海蝦、刀貝，每款都食得出好新鮮，值得一叫！椒鹽三文魚腩骨香口惹味，炸到好酥脆。除咗打邊爐，我哋額外叫咗特瀛刺身：有北極貝、三文魚、魷魚、希靈魚，刺身好新鮮，再加冰鎮鮑魚，味道一流！飲品方面，手打檸檬茶味道不過不失，勝在夠大杯！
爸爸媽媽想好好地食餐飯，絕對可以揀呢度呀。
瀛鍋（九龍城）
地址：九龍城福佬村道82-84號福成閣地下A-B號舖
圖文授權：老闆娘 Toby 蔡裕彤
其他好去處：
親子餐廳2025 ｜9大抵玩好食之選 一家三口$300有找！
親子餐廳2025｜精選6間 香港波波池親子餐廳 合集 小朋友放電必去！
即登記成為Oh!爸媽會員，或加入Whatsapp媽媽谷，緊貼第一手親子資訊。
