| 日期 | 全年適用 |
全新開幕的 室內遊樂場 ——米兜歡樂王國，無限次出入暢玩，有沙池滑梯、角色扮演區、彈床、攀爬、巨型氣球、牛牛農場、飛索、籃球、射槍、跳格仔、遊戲機、卡拉OK 等⋯⋯
最特別是有親子碰碰車、VR體驗、飛行影院，大人細路都玩得！三樣都好好玩呀！（呢三項憑收據可以各玩一次）大人細路都玩得！我哋1大2小全日任玩，美團平均都係$10x/位，真係超級抵！*記得自備防滑襪
室內遊樂場位於全新開幕的羅湖購物商場，過關8分鐘地鐵直達，最緊要夠冷氣！商場內仲有遊戲機中心、潮玩精品店、大型超市、多間人氣餐廳，吃喝玩樂一站式。我哋就食足3餐，有好好味嘅西餐，松露牛肝菌手工麵、松露pizza，兩個小朋友清碟；惹味湘菜，現炒黃牛肉超送飯，小朋友最鍾意炒花菜、土豆片，仲可以任食番薯、香米，個個食一大碗飯；以及超多人排嘅正宗果木北京烤鴨，地道風味烤鴨配酸梅湯，真係餐餐都食到勁滿足！
商場對面就係4星精品酒店，如果唔想一日來回咁趕，都可以入住，輕鬆玩足兩日一夜。
米兜歡樂王國
地址：深圳市寶安區益田假日天地
圖文授權：初初媽媽
其他好去處：
深圳2日1夜： 超級飛俠 親子房間+新開幕10萬呎海洋體驗樂園
深圳親子遊 11個好去處推介：遊樂場/滑雪場/動物園/全球最美書店/油畫體驗/客家古鎮
深圳親子遊 ｜深圳深鐵鉑爾曼酒店 人均$812起 住高空景觀主題房＋體驗小小列車長
即登記成為Oh!爸媽會員，或加入Whatsapp媽媽谷，緊貼第一手親子資訊。
