| 日期 | 全年適用 |
由Lisboy出世每年都會嚟珠海長隆玩，長隆真係好啱親子遊！今次就住咗長隆 橫琴灣酒店 ，套票包咗航海家庭房，自助早、晚餐，我哋仲特登加購埋長隆秀同海洋王國套票，全部都係必玩之選！
航海家庭房
第一次住長隆橫琴灣酒店航海家庭房，房入面有大大張雙人床、有上下船造型嘅兒童床，Lisboy上上落落玩得好開心，仲話一定要訓喺個船度，而且成間房設計好符合主題，另外仲有個船仔裝置俾Lisboy玩。浴室乾濕分離，有大浴缸，住宿體驗好正！
橫琴灣水世界
入住橫琴灣酒店，當然要試埋佢哋嘅水世界，雖然地方唔大，有小朋友嘅嬉水區同埋大人嘅水上活動區，Lisboy就愛上水上籃球，仲好大膽自己瀡水梯，真係小朋友嘅玩水天堂！
海豚自助餐廳
住宿套餐包晒早、晚自助餐，自助餐都幾高質，因為有魚子醬同埋正宗印度薄餅，必食海鮮砂鍋粥，夠晒足料。當然自助餐就乜都有得食，有唔同嘅冷熱海鮮、生蠔、大量冷盤、熱葷⋯餐廳對出仲有啲兒童玩樂設施，免費俾小朋友玩揸船，真係抵讚！
長隆秀
Lisboy第一次睇馬戲表演，為咗人道演出，表演已經減少咗好多動物元素，用科技嘅燈光效果取代，成晚表演都令人驚嘆，空中飛人、飛車電單車等傳統項目都係我嘅最愛！
海洋王國
長隆樂園標誌樂園「海洋王國」係親子必去之選，入邊有唔同嘅劇場表演，Lisboy每次嚟都睇得好開心，而且好有教育意義。樂園有唔同刺激程度嘅機動遊戲，今次Lisboy最愛企鵝過山車、叢林過山車，樂園仲有好多水族館俾大家參觀，我哋就最愛鯨鯊館，真係啱晒一家大細！
圖文授權：Lazy Li’s｜你是•李氏
其他好去處：
珠海橫琴凱悅酒店｜2日1夜住宿體驗 設復活節工作坊＋國家地理探險家中心門票
深圳好去處｜光明區首個公園式商場 「 國貿SPRING·光明里 」 5.1開幕！ 近地鐵/高鐵站
深圳好去處｜ 羅湖 新水庫綠道 單車徑/湖光塔/8大公園 一家大細盡情放電！
即登記成為Oh!爸媽會員，或加入Whatsapp媽媽谷，緊貼第一手親子資訊。
