周末想帶孩子北上放鬆一下，又不想舟車勞頓四處奔走？東莞塘廈 三正半山溫泉酒店 提供真正的一站式親子度假體驗！這裏集溫泉、水上世界、池畔豪華親子房及峽谷小船於一身，大人可以浸溫泉紓壓，小朋友盡情玩水放電，兩日一夜行程剛剛好。即睇Blogger「護士Vi媽三小火」親身試住的詳細攻略，為全家計劃一個輕鬆又盡興的快閃之旅！
Blogger「護士Vi媽三小火」分享如下：
唔想喺深圳迫，可以去近近地人氣親子酒店旅遊度假，由福田口岸打車上去只需要40分鐘，進入另一個度假天堂。我哋住的是池畔豪華復式家庭套房，有兩層樓！空間感十足，大床超級大，房間仲有私人大浴池，乾濕分離。
必玩攻略：
1.必訂池畔房
一打開露台門就跳落泳池，滿足小朋友嘅夢想。酒店仲有其他特色房間，例如溫泉房和親子房，總有一款啱你哋。
2.必玩溫泉 ：半山泉水世界
大人可以享受38個特色溫泉，有補腎湯、補氣血湯、美顏湯，個人特別喜愛紅酒池，浸完個人暖笠笠。水世界仲有特色透明泳池、無邊界泳池和女神池。小朋友就好似去咗水上樂園，有泡泡派對、峽谷泳道玩橡皮艇，仲有大型歡樂堡和水泡滑梯，人造沙灘都有特色。
3.必食酒店自助晚餐
遇上限定東南亞特色自助餐，煮生蠔、咖喱麵包蟹、冬陰功大蝦和刺身都是必食，芝士拼盤和甜品都好吸引。
4.室內水療館
室內都有恆溫泳池和水療溫泉池，就算打風落雨都可以繼續浸溫泉。
5.大草坪和星球樂園親子遊戲室
超大可以一家人玩，仲未盡興還可以帶小朋友去遊戲室放電。
地址：東莞塘廈鎮迎賓大道10號
作者：何穎恩姑娘
部分內容經《Oh! 爸媽》編輯部潤飾或修改
其他好去處：
邊浸溫泉邊睇動物的 溫泉樂園 特色VR投影湯池+多種滑梯嬉水設施｜護士Vi媽三小火
本地好去處｜香港大學許士芬地質博物館 四大必睇亮點！免費暢遊「恐龍與寶石天堂」｜護士Vi媽三小火
珠海海景 度假區 5萬呎萌寵樂園+兒童馬術俱樂部+全球罕見海洋溫泉+逾40種無動力設施
即登記成為Oh!爸媽會員，或加入Whatsapp媽媽谷，緊貼第一手親子資訊。
