假日想搵地方同大個咗嘅小朋友一齊放電，又嫌普通遊戲室太無聊？太古全新2萬呎科技競技場XVENTURE，專為6歲或以上嘅大朋友同家長而設，結合運動與科技嘅「SPORTAINMENT」體驗，刺激又好玩！即睇Blogger「護士Vi媽三小火」嘅真實玩後分享，為你同仔女計劃一個盡情尖叫、大爆汗嘅假日親子時光！
最近留意到太古康怡廣場開咗個成2萬呎嘅 XVENTURE 適合大仔大女的遊戲室，聽講係由泰國紅過嚟嘅室內都市運動競技場，主打「SPORTAINMENT」運動加科技體驗，連大人都啱玩。不過護士Vi媽提提大家，呢度唔係一般嘅BB波波池，去之前一定要留意返入場門檻：最低入場年齡要6歲；部分比較刺激嘅高空同極限設施，要求身高達120cm或以上。
購票：按此
呢度簡直係消耗體能、鍛鍊大肌肉同手眼協調嘅天堂！ 重點必玩設施：
1. 極速滑梯樂園
極速滑梯樂園有全港最斜、足足8米高嘅滑梯，坐水泡極速衝落嚟、最後仲會向上飛躍嘅「高速滑板滑梯」；仲有要趴喺度、頭先行衝落去嘅「火箭飛毯滑梯」。平時返學讀書大壓力，或者媽媽谷埋好多冤氣，上去尖叫一聲衝落嚟，真係乜壓力都消晒。
2. 空中繩網挑戰
空中繩網挑戰離地超過3米嘅室內高空繩網陣，要着全套保護裝備，入面有8個考驗平衡力同膽量嘅關卡，最後「飛索」飛越整個場地。忍者障礙歷險呢個直頭係16米長嘅忍者訓練場，全程離地闖關，練足核心肌肉和平衡力。
3. 忍者障礙歷險
忍者障礙歷險呢個直頭係16米長嘅忍者訓練場，全程離地闖關，練足核心肌肉和平衡力。
4. 極限攀爬區
極限攀爬區除咗傳統「攀岩牆」可以揀難度之外，仲有會郁動嘅「機關障礙賽」，有成三級難度，障礙物會越郁越快，考體力之餘仲要用腦諗計過關。
5. 彈跳、滑索與賽車
「彈跳競技場」玩花式彈床同飛人灌籃；「超低空滑索」坐住巨型圓球、超貼地感受速度；「飄移賽車」唔需要車牌都滿足晒小朋友對速度嘅渴望。
6. 打卡與數碼互動區
「打卡競技場」、「跳躍網格」、數碼足球，同埋可以成個人「瞓身投入」去定格姿態嘅「人型針雕牆」，成個氛圍好沉浸式。
營業時間：
– 星期一至星期四： 12:00nn – 08:00pm
– 星期五至星期日及公眾假期： 11:00am – 09:00pm
地址：香港鰂魚涌康山道1-2號康怡廣場南座4樓（太古港鐵站 C 出口）
購票：按此
作者：何穎恩姑娘
部分內容經《Oh! 爸媽》編輯部潤飾或修改
其他好去處：
邊浸溫泉邊睇動物的 溫泉樂園 特色VR投影湯池+多種滑梯嬉水設施｜護士Vi媽三小火
本地好去處｜香港大學許士芬地質博物館 四大必睇亮點！免費暢遊「恐龍與寶石天堂」｜護士Vi媽三小火
珠海海景 度假區 5萬呎萌寵樂園+兒童馬術俱樂部+全球罕見海洋溫泉+逾40種無動力設施
即登記成為Oh!爸媽會員，或加入Whatsapp媽媽谷，緊貼第一手親子資訊。
