| 日期 | 全年適用 |
如果問我珠海邊啲親子地方最值得去，除咗橫琴長隆同星樂道之外，超級推介珠海太空中心！它的位置比較偏遠，喺金灣嗰邊，近乎喺珠海機場旁邊，附近亦沒甚麼配套商場，第一次去珠海親子遊嘅朋友，應該唔會揀呢度。
珠海太空中心是一個結合航天、航空、國防和科學教育的專業展覽館，最大賣點絕對唔只係傳統太空館咁簡單！入門第一個場館就是零距離接觸真實太空艙，直頭可以行入去咁睇入面嘅設計，親身感受航天員嘅生活，直頭好似自己親身上左太空咁！甚至有機會望到月球和火星又唔同色彩的稀有碎片，親民又有趣，好啱一家大細嚟參觀學習！
1. 真實太空艙：可以實地一步步走進太空艙，了解太空人飲食、休息場景，注意艙內不能拍攝。
2. 太空隕石實物展示：特別推薦用顯微鏡觀察月球碎片，會發現原來看上去灰色月球隕石竟然都有繽紛色彩，如非親眼見到意想不到！
3. 飛機模擬駕駛：有模擬駕駛設施，可以體驗「做機師」。
4. 火星任務：帶VR眼鏡坐上火星任務車模擬戲。
5. 現場限定巧克力宇航員雪糕：一定要買嚟試，超有特色，吸睛又好味，打卡一流。
6. 4D影院：好「伏」！唔係想像中咁有趣，每人一張特別太空椅，戴住4D眼鏡睇片，條片冇對話，我唔小心瞓着咗，適合名正言順想休息的你。
7. 珠海太空中心地下層有餐廳，有漢堡包、杯麵、炒飯、飲品和雪條等等的輕食，補充能量。
小貼士：建議用 3-4小時慢慢參觀，適合親子、情侶或朋友一齊來。
地址：珠海市金灣區三竈鎮S272(金海東路)珠海太空中心（田心公交站對面）
*周一不開放，建議行程前先查清開放日避免撲空
文章獲「護士Vi媽三小火」授權轉載
作者：何穎恩姑娘
兒童深切治療部專科護士 – 香港大學護理系碩士 – 陪月証書課程講師 – IAIM國際嬰兒按摩導師 – 國際認可催乳師 – 國家高級催乳師 – 兒科臨牀經驗近十年
更多親子好去處：
本地好去處｜太古全新2萬呎科技競技場 設滑梯樂園/繩網挑戰/障礙歷險｜護士Vi媽三小火
大灣區好去處｜東莞塘廈 三正半山溫泉酒店 兩日一夜攻略｜護士Vi媽三小火
即登記成為Oh!爸媽會員，或加入Whatsapp媽媽谷，緊貼第一手親子資訊。
