【玩盡18區親子好去處】－－大埔區

大埔區原本係一個鄉鎮，但經過發展之後，而家已經成為極具規模的現代化市鎮。係大埔郊區，有好多生態旅遊勝地，而且地方風景迷人。但唔好以為大埔淨係得郊外玩呀，室內都有嘢玩架，亦有形形色色嘅商店，而且仲有唔同嘅特色餐廳！啱晒一家大細入去玩！

郊遊活動

大埔滘自然護理區 林徑紅路—在大埔滘可以睇風景又可以玩水，有靜態的又有動態的。大埔滘河是溪流，水質極佳，係遊人的消暑勝地，在林徑紅路有兩個天然泳池可以嬉水一番，十分消暑。

 大埔滘螢火蟲—在螢火蟲季節夜遊郊外，尋覓螢光足跡。裡面有溪澗可以玩水，可以玩水後夜探。夜晚行山其實好舒服，亦有好多昆蟲、小生物，小朋友好鍾意夜遊探險，因為永遠充滿驚喜，唔知下一步會見到d乜，就算見到隻蟻都係會興奮。