聖誕節冇去過香港迪士尼樂園，點算做過聖誕呀！今年聖誕前夕，同往年一樣，指定動作當然要帶哥哥同芊芊到香港迪士尼樂園玩啦！因為有好多聖誕打卡位，可以記錄低家長同小朋友每個溫馨時刻。
不過大家又有冇諗過，除咗同好多迪士尼朋友影相之外，其實都可以用另一個角度去拍出你眼中的香港迪士尼樂園冬日聖誕。
入到嚟香港迪士尼樂園，當然大家都好想同小朋友影返一輯靚相，但係有陣時小朋友玩得太興奮，你叫佢望鏡頭仲難過叫佢考試攞100分。
不如就等我同大家分享一下幾個拍攝手法，等你可以同小朋友打到靚卡之餘，又可以將影相變做一個開心的遊戲時間。
我哋今日入到嚟樂園，就即刻去「小鎮大街火車站」搭香港迪士尼樂園鐵路的懷舊蒸汽火車，到達「幻想世界」後，第一站就到全新獨家既「夢想花園冬日市集」，呢度有唔同的聖誕裝飾可供打卡。