炎炎夏日，氣溫之高，當然要去玩水降一降溫啦！聽聞海洋公園今年夏水禮加入咗新元素，除咗玩水、玩泡，仲有沙同水彈玩，而且有過千隻黃色duck duck一同慶祝海洋公園開業40周年添呀！一於入去感受一下，過番個涼浸浸嘅夏日囉！
去海洋公園就去得多喇！但係著泳衣入場都係第一次。爽呀！*o*
之前到「怡慶坊」睇過魔術匯演，估唔到搖身一變就變咗充滿夏日色彩嘅「激FUN玩沙大派對」。晴朗都好心急！腳步加速向前推進~ XD
一入場就到處跑，來來回回穿插於「童樂水隧道」，心情十分高漲！想閃避噴灑落嚟嘅水花唔係咁易，好快就全身濕晒喇！
嚟到「超級巨沖」區域，晴晴已經玩到忘晒形~
噴灑嘅水令到晴朗好hyper，實行興奮到彈起呀！XD
無論大人定小朋友都好鍾意企晒響呢個位置，皆因樓上果個超巨型水桶注滿水就會倒水落嚟㗎喇！個個都好期待~
就係咁，一分一秒的過，幾時呢幾時呢？等待嘅心情真係既期待又興奮呀！
愈嚟愈多人埋嚟一齊等，一齊起哄，好熱鬧！
大水桶要倒水喇！爆布嚟喇！有人繼續企定定、有人閃避、有人逃跑…
呢個moment大家都好開心！水四灑，透心涼！Wow~ hoo~
晴晴雖然變咗落湯雞，但心情十分暢快，仲話要再嚟多次~
唔使一陣，又嚟喇！爽呀！過足癮~ *o*
玩完一大輪水，不如過去玩「泡泡狂熱」囉！~
浸落去泡泡池係咩嘢感覺㗎呢？好想試下，快啲入去囉！
晴朗好快就被泡泡重重包圍，輕飄飄又柔軟嘅泡泡，質感令人好舒服~
你潑下我，我又潑下你，再吹走啲泡泡。好好玩呀！
突然好似落雪咁嘅？發生咩事呀？
原來隔一陣，上面就會灑一大堆泡泡落嚟！快啲閃避啦！
晴朗不但冇避開，仲同其他小朋友一擁而上，玩得好瘋狂呀！
晴晴伸開雙手期待灑泡泡嘅來臨。泡呀泡，快啲落嚟啦！XD
泡泡池有埋花灑可以沖身淋浴，又玩水又玩泡，究竟玩得邊樣呀？~.~