日期 | 全年適用 |
去台北帶小人親子旅行通常大家都會去親子餐廳,今次就同大家介紹一個另類好選擇嘅親子旅遊景點 – 大安森林公園。園區有很多兒童遊樂設施,包括滑梯、鞦韆、沙坑、溜冰,而且大人細路仲可以一齊野餐。
大安森林公園係台北鬧區中最大最大嘅公園,只要坐捷運信義線在「捷運大安森林公園站」出口就已經係公園啦,超級方便。
我們去台灣時剛好天氣很好,於是我們就去了台北朋友推介溜小孩出遊的好地方。大安森林公園真係一個好棒嘅地方,其實好多人都話「捷運大安森林公園站」係台北最靚嘅捷運站,只要喺出站後之後向上行,就會見到到好大塊半圓弧形嘅採光玻璃, 捷運站內你會見到地下有好多台北樹蛙樣子嘅裝飾藝術,大家都爭住影相呢!
細佬仔都話要同樹蛙合照呀!
大安森林公園平面圖
大安森林公園佔地將近26公頃,分為兒童遊戲區、竹林區、榕樹區、香花區、水生植物區、帶狀林區、水池假山區、露天音樂台,建有地下停車場。孖媽自己覺得身處層層樹林的大安森林公園內,就好似藏喺台北市區內嘅秘境中!
講番呢度嘅兒童遊樂設施啦,有滑梯、鞦韆、就連單槓、攀爬、繩梯都有。仲有台灣最喜歡的沙坑,真係有好多好多嘢玩呀!
孖媽睇見都覺得好好玩囉!
果真係一個好大型的遊戲區呢~呢度大型的兒童遊戲區有很多出入口, 可以相通去唔同嘅地方。
另一邊仲有兩個大型攀爬架、單槓、爬鐵桿。就連鞦韆都有細分小B型同普通型嘅鞦韆。
孖寶都玩得好開心,仲係咁同姐姐玩呀!
只係滑梯就已經有好多種,相信小朋友一定可以玩個過癮囉~
兒童遊樂設施相當多同大,小朋友都會好開心,因為唔使點等就有得玩!
下頁:沙坑真係超巨大呀!