跑步，好玩，強身健體，Kelly怕曬，少去街跑步，多去會所玩跑步機，但有一個戶外跑步活動，Kelly一定飛身支持，因為呢個跑步活動，係去到香港迪士尼樂園，喺一班卡通人物打氣之下進行，同時為癌病兒童籌款，咁好玩又有意義，大家係咪好想同Kelly一齊去呢？咁小妹有好消息，現在送出二十個參加名額，答中以下問題就有機會參加。
香港迪士尼樂園會喺九月十至十一日首次喺樂園舉行「香港迪士尼樂園10K Weekend——由AIA Vitality健康程式全力支持」，米奇老鼠、米妮老鼠、唐老鴨、高飛等仲會換上醒目的運動服飾化身成啦啦隊，相信一眾健兒聽見打氣聲會跑得更起勁，更落力。
比賽共分兒童跑、三公里親子跑、五公里跑及十公里賽四個項目，每位完成比賽嘅朋友都會獲頒靚靚又獨特嘅迪士尼獎牌。今次活動部份收益會捐贈予兒童癌病基金，Kelly真係Like爆！大家聽日起就可到去（www.hongkongdisneyland.com/events/10k-weekend）付費報名喇。
讀者答問題 《頭條》送參加名額
小妹好開心香港迪士尼樂園送出二十個10K賽參賽名額畀《頭條日報》讀者，只要大家答中︰「香港迪士尼樂園10K Weekend─由AIA Vitality健康程式全力支持」喺邊兩日舉行，將答案連同姓名、電話及電郵傳至disneyrun@hkheadline.com，今日五點截止，採訪部將會抽出二十名答啱嘅幸運兒。
作者：Kelly Chu
獲頭條日報授權轉載