仲有唔夠幾星期就到農曆新年，嚟緊就係猴年，當然係會到猴子做主角。一諗起可愛嘅猴子，第一時間就當然係諗起Monchhichi啦！
農曆新年期係朗豪坊就可以搵到Monchhichi 嘅蹤影，仲要唔止一個，因為Monchhichi會化身成為《西遊記》嘅重要人物，好似有孫悟空、唐三藏、豬八戒、沙僧、牛魔王、鐵扇公主、紅孩兒、玉皇大帝….等等，同大家齊齊慶祝農曆新年呀！
一入場就見到孫悟空Monchhichi，小小豬已經急不及待走埋去同佢影相啦~
都係第一次見面，洗唔洗攬到實一實唔願走呀…哈哈哈~
我當然唔執輸，一齊集郵啦~
可能我自己本身都幾鐘意《西遊記》依個歷史故事，所以場內每一個影相位我都覺得好吸引(當然…其實又真係幾靚啦！)
第一場景：尋找金箍棒，孫悟空好可愛呀~
第二場景：拜會牛魔王，牛魔王同紅鞋兒會係門口迎接大家呀~
千其唔好漏左鐵扇公主，佢後面廚房整緊嘢食。依個位係小小豬至愛地方，因為….佢口話佢都係廚師，要齊齊煮嘢食呀~
第三場景：大鬧天宮~
