親子好去處│貓咪海濱+偽鳥居隧道│龍鳳孖媽


搬咗之後,每日望住個海景,理應心曠神怡… …但每日都搭車搭最少8轉(4次shuttle bus+4次港鐵),要帶阿囡跳舞嘅話,我仲要搭多4轉,即係12轉車。是我幻想太多,誤以為每天可以望住個海歎早餐… …結果每天好忙,日日做家務,但間屋仲係亂到七彩,冇得歎早餐,更加唔得閒去望,唯有假期外出走走。

但「荒島」有荒島嘅好處,一樣可以發掘香港的美。今次我哋散步去貓咪海濱長廊,平日搭車經過,囡囡次次都話要去,今次終於去到。全部都係可愛嘅癲噹貓咪,有好多個打卡位。荃灣西港鐵站方向入口有一張尋寶地圖,跟住地圖尋打卡位。


其中較為特別嘅彩色旋轉椅,又可轉又可打卡


巨形貓爪


貓巴士有得揸車又有得響鈴,小朋友好鐘意。


貓拼圖可以轉板幫貓咪換衫換鞋,貓魚人依個真係好神秘,唔係咁易發現。請留意癲噹係期間限定架鳥!聽聞去到10月11日咋!

其他裝置

而且海傍仲有芒草 ,我覺得點影都咁靚。但豬隊友幫我避開哂d 芒草黎影,反而仔仔幫我哋影咗張唔錯嘅相。


海濱往深井嘅方向仲會見到港版島鳥居 ,雖然係行車隧道,但經過打個卡又是另一番味道。再往深井方向行,沿路嘅風景都好靚,令人覺得好舒服。

荃灣海濱長廊前往方法
乘搭港鐵到荃灣西港鐵站,B1出口出,右轉步行5-7分鐘。(由荃灣西行向深井方向)

由於沿路都沒有很多遮蔭地方,所以建議黃昏時份去,而且要做足防曬和限蚊措施啊!

 

https://www.facebook.com/Miss.swanswan
Instagram: (更多孖寶和孖媽的生活趣事)
https://www.instagram.com/little_twin_stars82

作者:龍鳳孖媽

其他文章:

親子好去處│包羅萬有手作市集~細菌小子飛船電動車+駐站魔術師 ︳龍鳳孖媽

親子好去處│張家朗壁畫+「大叔的愛」取景地│龍鳳孖媽


熱門文章

澳南海岸 夏日至激賞2022 歎住冷氣室內放電
海洋公園 |水族館紮營Staycation+走進傳統住家艇|2日1夜 南區森海遊
室內遊樂場|全港21大好玩室內放電遊樂場
親子餐廳 2022|全港32間親子餐廳合集 攀爬架/室內沙灘/靚靚打卡位
親子好去處|曾用作檢疫設施 西貢戶外康樂中心月底重開

出街玩︱前域多利軍火庫︱湯圓
全港遊樂場|41大兒童遊樂場推介 攀爬設施+可愛造型|親子好去處 (不斷更新)
親子活動|PMQ同創童樂教育節 挑戰7色彩虹團隊遊戲區
親子活動|全港首個LEGO玩樂跑 參加者可獲限定紀念品 內附報名連結
海洋公園 |水族館紮營Staycation+走進傳統住家艇|2日1夜 南區森海遊
親子好去處|曾用作檢疫設施 西貢戶外康樂中心月底重開
查看更多   ▸