親子好去處│貓咪海濱+偽鳥居隧道│龍鳳孖媽


搬咗之後,每日望住個海景,理應心曠神怡… …但每日都搭車搭最少8轉(4次shuttle bus+4次港鐵),要帶阿囡跳舞嘅話,我仲要搭多4轉,即係12轉車。是我幻想太多,誤以為每天可以望住個海歎早餐… …結果每天好忙,日日做家務,但間屋仲係亂到七彩,冇得歎早餐,更加唔得閒去望,唯有假期外出走走。

但「荒島」有荒島嘅好處,一樣可以發掘香港的美。今次我哋散步去貓咪海濱長廊,平日搭車經過,囡囡次次都話要去,今次終於去到。全部都係可愛嘅癲噹貓咪,有好多個打卡位。荃灣西港鐵站方向入口有一張尋寶地圖,跟住地圖尋打卡位。


其中較為特別嘅彩色旋轉椅,又可轉又可打卡


巨形貓爪


貓巴士有得揸車又有得響鈴,小朋友好鐘意。


貓拼圖可以轉板幫貓咪換衫換鞋,貓魚人依個真係好神秘,唔係咁易發現。請留意癲噹係期間限定架鳥!聽聞去到10月11日咋!

其他裝置

而且海傍仲有芒草 ,我覺得點影都咁靚。但豬隊友幫我避開哂d 芒草黎影,反而仔仔幫我哋影咗張唔錯嘅相。


海濱往深井嘅方向仲會見到港版島鳥居 ,雖然係行車隧道,但經過打個卡又是另一番味道。再往深井方向行,沿路嘅風景都好靚,令人覺得好舒服。

荃灣海濱長廊前往方法
乘搭港鐵到荃灣西港鐵站,B1出口出,右轉步行5-7分鐘。(由荃灣西行向深井方向)

由於沿路都沒有很多遮蔭地方,所以建議黃昏時份去,而且要做足防曬和限蚊措施啊!

 

https://www.facebook.com/Miss.swanswan
Instagram: (更多孖寶和孖媽的生活趣事)
https://www.instagram.com/little_twin_stars82

作者:龍鳳孖媽

其他文章:

親子好去處│包羅萬有手作市集~細菌小子飛船電動車+駐站魔術師 ︳龍鳳孖媽

親子好去處│張家朗壁畫+「大叔的愛」取景地│龍鳳孖媽


熱門文章

召集親子餅印照片.展示最強DNA | 入選100強即獲精彩禮品
媽媽谷 | 免費加入Ohpama WhatsApp group獲得最新資訊 著數優惠
復活節海外玩2024|17大復活節好去處 日韓賞櫻/大阪環球影城復活節慶典限定/特色室內遊樂場
運動嘉年華 3月限定免費入場 5大運動體驗區 +近距離接觸香港運動員+免費換領紀念品
送《劇場版 角落小夥伴 奇幻的玩具工廠》電影換票證 | 展開奇幻探險之旅

全港最大戶外 電動車 場 「拖頭」/工程車/掘泥車/飄移賽車/警察電單車 3歲就可以玩|初初媽媽
中環海濱變220米藝術長廊 免費打卡︱復活節好去處
精選13大郊遊野餐好去處
昂坪360 復活節尋蛋派對 人氣插畫角色「好想兔」首次跳入香港
復活節本地遊2024 |24大好去處推介 復活節嘉年華/親子田徑比賽/復活蛋工作坊/室內遊樂場快閃優惠
藝術維港2024︱teamLab 發光蛋 首星期預約已滿額 呢個日子開始有即日預留名額! 附預約連結
查看更多   ▸