室內活動|一家大細齊變裝貴婦紳士 山頂一日遊+坐第6代纜車|護士Vi媽三小火


全年適用

原來山頂有個趣味時光留影館,有22個場景,歐陸風情、懷舊香港、光影、童真等等的主題,全部專業打燈已set好,就算iPhone直出都做到影樓靚相效果!我哋今次玩呢個package,包晒來回山頂纜車,自拍館任影三小時和每人免費借維多利亞宮廷服,女士即刻變貴婦!

媽媽服裝幾新淨和乾淨,維多利亞裙有好多款式,綁帶款一定啱着;男士、男孩都有燕尾服款式,好型仔!小女孩都有勁多裙款,可愛到爆,仲免費包埋道具傘、扇、紳士帽和權杖等道具。維多利亞宮廷服仲可以穿出去外面影街景,最近可以影纜車站景,或者7分鐘上山路程的柯士甸山公園影花園景!不過我哋影完室內都好累喇,搞唔掂三小火一齊出去影外景!

第六代纜車,上年已回歸,大家搭咗未呢?車程8分鐘,好快就上到山頂,透明天窗睇風景一流!孩子最鍾意上山途中有一段超級斜的,好刺激!香港風景真的很美,可以上埋去凌霄閣摩天台428欣賞日落或者夜景就完美!

維多利亞風影相小貼士

1. 女士裙建議落裙撐, 要有個Pat翹起來才有維多利亞淑女感覺。
2. 扇子道具很好用,優雅之餘更可以用來遮肚腩,雨傘也很高貴。
3. 有些女士裙配帽子,有些配頭飾,一定要成套着,不要嫌麻煩不戴上,影出嚟效果很不同。
4. 小男孩紳士燕尾服,眼見有5-6個size,用膊頭來度孩子size,再穿細1號會比較好看,偏大會比較論盡。
5. 小男孩褲子褲頭有機會鬆,自拍館有扣針可借,但如果自己有橡筋箍實褲頭會夠實淨。(我啲仔跑兩跑恤衫跌晒出嚟,玩到後期褲都甩埋)
6. 3樓閣樓有5個歐陸風情景區,最適合影維多利亞風,有小朋友嘅話,建議影咗先,以免之後太攰不合作。
7. 2樓屬於懷舊香港,用便服影也不錯,也可自己帶旗袍和私人服裝,也有另一番情懷。
8. 想影全家福或團體照,記得自己帶自拍棍。
9. 這是自拍館不是影樓,沒有攝影師在場,拍照全部自便。
10. 體驗好似影完Wedding一樣超攰!

作者:護士Vi媽三小火 (何穎恩姑娘

更多文章:

室內活動|玩具展覽廳玩巨型飛行棋@兒童探知館|護士Vi媽三小火

親子好去處|搭第六代纜車去隱世富豪後花園 纜車門票優惠+野餐+遊樂場


熱門文章

召集親子餅印照片.展示最強DNA | 入選100強即獲精彩禮品
媽媽谷 | 免費加入Ohpama WhatsApp group獲得最新資訊 著數優惠
復活節海外玩2024|17大復活節好去處 日韓賞櫻/大阪環球影城復活節慶典限定/特色室內遊樂場
運動嘉年華 3月限定免費入場 5大運動體驗區 +近距離接觸香港運動員+免費換領紀念品
送《劇場版 角落小夥伴 奇幻的玩具工廠》電影換票證 | 展開奇幻探險之旅

送Sooper Yoo套票 | 挑戰體能+VR體驗 盡情放電
送《劇場版 角落小夥伴 奇幻的玩具工廠》電影換票證 | 展開奇幻探險之旅
送新城市廣場 x HomeSquare利是套裝 | 繩結藝術溫馨打卡賀新春
3大室內遊樂場「買一送一」暢玩2小時低至$25/位 全日適用無時段限制︱ 森林探索樂園 /躲貓貓樂園/探索家樂園
復活節好去處|iSQUARE 充氣樂園 3大吸睛玩樂區 5米闊「智脆菠蘿油迷宮」+ 4米高「 港式熱奶茶」+ 11米長巨型美食街樂園
奧海城 3,000呎吹氣尋蛋樂園 5米巨型滑梯+復活蛋波波池 每日贏取88隻 Kinder奇趣蛋
查看更多   ▸