Blogger 80後爸B 分享早排阿寶學校旅行，去咗八鄉嘅 小白兔音樂農莊 ，可以入去餵飼區同兔仔0距離接觸，拎住飼料即刻好多隻圍埋嚟，任摸任影，好可愛！除咗兔仔，呢度仲可以餵豬同山羊，不過佢哋身形就大隻啲，只可以隔住閘門去餵。
餵完小動物有音樂會，可以聽歌又有得跳舞，場地職員仲好識搞氣氛！而農莊戶外都有幾多嘢玩架～例如木製千秋、繩網陣、彈床、沙池、阿寶就鍾意爸爸手動嘅旋轉木馬，同埋去大草地、花花橋影相打卡！
至於室內可以睇爬蟲類動物，仲有迷你playhouse，有啲玩具可以玩。仲想玩多啲嘢？可以買遊戲代用券，有得玩充氣城堡、小型賽車、滑草等，阿寶就揀咗玩釣魚遊戲，喺水池邊話要釣呢隻、釣嗰隻，不過都係爸爸媽媽幫手。
介紹返～呢度係 小白兔音樂農莊 ，去呢度搭小巴巴士落車要行15分鐘，所以最好係揸車或者搭的士；如果回程時call唔到車，農莊有免費車送到小巴站，都幾方便架！
開放時間：星期三至日及公眾假期11:00-18:00
地址：元朗八鄉橫台山芝麻嶺1號
交通：608小巴到總站步行15分鐘
54/ 251B 巴士芝麻嶺站步行10分鐘
更多資訊：fb「小白兔農莊」
作者：80後爸B，原文刊登於「阿寶與爸B 生活日常」FB專頁
更多親子玩樂好去處：
室內遊樂場 ｜免費海洋世界遊戲室 大大架潛水艇／海底洞穴繩網／滑梯｜80後爸B
親子好去處 ｜100層高觀景台 香港人半價優惠$99/位｜80後爸B
