| 日期 | 全年適用 |
早前Blogger 80後爸B 帶阿寶參加「瘋帽子茶會」，走咗入去反轉咗嘅白兔家，仲同皇后打埋古怪槌球！點解咁似愛麗絲夢遊探險故事嘅內容？原來呢度係有得玩遊戲、有得睇圖書，將閱讀+遊戲結合嘅「 玩具圖書館 」，阿寶喺入面玩到唔捨得走！
呢個活動空間每季以唔同圖書做主題，以「閱．玩 越好玩」嶄新概念設計，由專業遊戲工作員負責，將主題圖書中嘅見聞，活現成現實嘅遊戲+玩意，俾爸爸媽媽引導小朋友發揮創意去玩，同時可以隨心閱讀，啟發閱讀興趣。
上季（1-3月）主題圖書係《愛麗絲夢遊仙境》，阿寶可以遊走愛麗絲夢幻世界探險～今季（4-6月）主題就係繪本「大排長龍」系列，小朋友可以經營美食店，吸引大排長龍嘅小動物，得閒又帶阿寶去經歷吓先！
介紹返～呢度係 玩具圖書館 ，適合8歲或以下小朋友+爸爸媽媽參與，除咗有空間主題、精選推介書籍遊戲，仲有親子工作坊去玩故事！因為每個場次有限定名額，記得喺參與前4日，到現場或者打電話預約。
*電話預約方法：於開放時間內致電 2921 0386
開放時間：星期一、二、四至日 10:00-20:45
星期三 13:00-20:45
公眾假期 10:00-19:00
上述時段分段開放，另有清潔及團體預留時間，將會暫停開放。
按此瀏覽玩具圖書館開放時間表。
地址：銅鑼灣高士威道66號香港中央圖書館2樓
交通：途經高士威道/摩頓台/銅鑼灣道巴士
電車站維多利亞公園站
港鐵（銅鑼灣F1出口或天后B出口）
免費入場，按此了解更多
作者：80後爸B，原文刊登於「阿寶與爸B 生活日常」FB專頁
更多親子玩樂好去處：
親子好去處｜ 小白兔音樂農莊 可以餵小動物兼多嘢玩｜80後爸B
