| 日期 | 全年適用 |
深圳福田有一個新開幕的超大型遊樂場「 玩美攻略 WonderMeet」，佔地近10萬呎、3層樓高，有超過100個遊樂設施，不同年齡段的小朋友甚至爸爸媽媽都可以搵到啱玩嘅項目！有Blogger一家四口已經親身去體驗過，位置便利，過關後地鐵9分鐘直達，而且直接連接大型購物商場，吃喝玩樂一站式！全日任玩12個鐘，平均1小時低至$15起，而且身高80cm以下免費，超級抵玩呀！
家長唔使企喺度等，可以一齊玩，是名符其實嘅親子放電好去處！
推介必玩：5D飛躍劇場、VR幻影星空暗黑戰車、悅動格子、頭文字D、奧運射擊。妹妹最愛騎鴕鳥、碰碰車；哥哥瘋狂揸車、射槍；爸爸都話爽，可以任打機！
手工區有得玩陶藝、數字油畫、DIY串珠手鏈，重點全部免費！而且3個作品都可以帶返屋企（出邊玩一次工作坊都唔止啦）。
3層遊樂場地圖：
埸內有免費儲物櫃，憑手帶全日無限自由進出。遊樂場連接大型購物商場，玩到餓出去食嘢飲嘢乜都有，廁所又大又乾淨，無懼日曬雨淋。
玩美攻略
地址：深圳市福田區深南中路3018號世紀匯
交通：地鐵華強路B出口
營業時間：周一到周日10:00-22:00
文章獲初初媽媽 ChochoMama授權轉載，部分內容經《Oh! 爸媽》編輯部潤飾或修改。
更多親子好去處：
深圳親子酒店｜ 五星級酒店 恐龍親子主題房 多親子友善設施 設計好貼心！附2日1夜行程推介
深圳好去處｜隱世好玩大商場 距口岸25分鐘車程 有齊室內遊樂場/機動遊戲/卡丁車/戶外彈床
即登記成為Oh!爸媽會員，或加入Whatsapp媽媽谷，緊貼第一手親子資訊。
