| 日期 | 全年適用 |
小朋友玩嘅地方最緊要夠大，有足夠空間俾佢哋跑跑跳跳，可以徹底咁放電。早前Blogger 80後爸B 就帶阿寶去咗呢個以「動物王國」為主題嘅兒童遊戲室，以政府免費場嚟講算係比較大，最好玩係夠晒高嘅障礙攀爬架，中間有透明螺旋滑梯，幾刺激！
另一個矮啲嘅瀡滑梯，都要穿過障礙先瀡到。場內有好多可愛動物圖案布置 ，仲有唔同嘅動物軟墊，有阿寶最鍾意嘅大象，要拎住周圍走。呢度綠色嘅環境亦俾爸爸媽媽放鬆下！
介紹返～呢度係 彩榮路體育館兒童遊戲室 ，位於牛頭角半山上面，附近仲有花崗岩主題嘅彩禧路公園，介紹呢度以前石礦場嘅資訊，都好啱帶小朋友去玩！
放假親子去邊好？
開放時間：每日 09:00-21:45（有唔同時段，定期保養日暫停開放）
地址：觀塘彩榮路58號
交通：九巴2X/9/28B，小巴83A
港鐵九龍灣站B出口步行15-20分鐘
免費入場，按此了解更多
作者：80後爸B，原文刊登於「阿寶與爸B 生活日常」FB專頁
更多親子玩樂好去處：
親子好去處︱港鐵期間限定鐵路展 真退役列車任打卡︱80後爸B
親子好去處︱ 茶果嶺海濱公園 大自然元素概念公園︱80後爸B
