| 日期 | 全年適用 |
室內遊樂場安全又有冷氣嘆，瘋狂放電都無咁熱，而且康文署嘅遊戲室仲係免費入場，Blogger 80後爸B 決定帶阿寶去玩多啲！
單車比賽講求速度，單車館嘅遊戲室「極限運動」做主題，一齊睇吓有咩玩～
場內最大賣點係唔高但夠晒闊嘅滑梯，阿寶可以同其他小朋友一齊滑，比賽鬥快。另有細啲嘅車呔滑梯，可以爬出爬入嘅模型車，仲可以發揮創意「砌」齒輪，體力腦力都運用到！
介紹返～呢度係 香港單車館兒童遊戲室 ，除咗室內有嘢玩，室外嘅香港單車館公園亦有遊樂場，另外有人工湖可以放模型船，大草地可以野餐，春天仲有得睇櫻花，動靜都咁好玩！
開放時間：每日 09:00-21:30（有唔同時段，定期保養日暫停開放）
地址：將軍澳寶康路105-107號
交通：港鐵（坑口B2出口、將軍澳A1出口）
免費入場，按此了解更多
作者：80後爸B，原文刊登於「阿寶與爸B 生活日常」FB專頁
更多親子玩樂好去處：
